Mithumo 16:31 - Bhiblia Yo Sawuleka

³¹ Vona va txi kha vona: “Kholwa ka Mkoma Jesu Kristu, se u na huluswa awe ni va mwaya wako.”

Mithumo 16:31 Referans Kwoze

Johani 1:12

Aniko votshe va va nga mu amukela, ava va nga tumela ka ditina dakwe, a va ningile mtamo wa kumaha vanana va Txizimu.

Johani 3:36

Awu a kholwako ka Mwanana, a ni wutomi wo mbi guma. Awu asi engisiko Mwanana, kha na mbi wona wutomi, aniko kuhenya ka Txizimu ku txitimwi kwakwe.

Marku 16:16

Awu a no kholwa, a txi bhabhatiswa, a na huluka; awu a no mbi kholwa, a na abaniswa.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Mithumo 18:8

Krispo, mthangeli wa disinagoga a to kholwa ka Mkoma ene ni yotshe ngamu yakwe; ni Vakorinto vavangi, ngako va txi engisa Paulo, va to kholwa ni vona, ve bhabhatiswa.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

Mithumo 15:11

Na kasi ha kholwa ti to hi hanyiswa ngu kateko ya Mkoma Jesu, nga tona ti ni vona va kholwisako tona.”

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Mithumo 16:32

Se ve mu txhumayela dipswi da Mkoma, kumweko ni ka votshe va va nga ti nyumbani kwakwe.

Johani 6:47

“Ngu ditshuri, ngu ditshuri, na mi gela, ni khani: Awule a kholwako kwangu, ana ni wutomi wo mbi guma.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Mithumo 8:36

Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”