Mithumo 16:30 - Bhiblia Yo Sawuleka

³⁰ Se ngako a di va humisile hahanze, a to khene kwawe: “Vanyamne, nji txani ni fanelako ku txi maha kufela ku ni hulukiswa kani?”

Mithumo 16:30 Referans Kwoze

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Mithumo 22:10

Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’ Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Luka 3:10

Mabutho a vathu ma ti mu wotisa ma txi khene: “Se nji txani hi fanelako ku txi maha kani?”

Matewu 3:8

Humisani mihando yi yi dinganako kuhunduluka kwanu;

Isaya 58:9

Sekoko u na dila, kambe Mkoma a na kuxamula; u na peka huwa, se ene a na khene: “Ngani wuwa hawa.” Eto ti na maheka ngako u txi thavisa hagari kwako dikange, u leka kuxungametela ngu litiho, ni kuwombawomba ka manyala;

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Mithumo 16:24

Ene, ngako a di amukete txileleto txiya, a to va wuleta ka txinyumbana txi txi ku mndani ka mkora, e va sungelela minenge ha mitandani.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Jobe 25:4

Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

Matewu 5:7

Va katekile ava va ku ni wumbilu, nguko va na mahelwa wumbilu ni vona!

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Jobe 34:32

ati ni si ti woniko, awe ni gondise; ngako ni di mahile wubihi wokari, na mbiswa ni wu maha kani?