Mithumo 16:3 - Bhiblia Yo Sawuleka

³ Paulo a to pimisa ku mteka e tsula nayo. Kunene a to mteka, se e mu yisa wukwerani, ngu mhaka ya Vajudha va va nga ti ka maphambo onayo, nguko votshe va ti tiziva ti to tate wa Timoti i Mugriki.

Mithumo 16:3 Referans Kwoze

Vagalatiya 2:3

Aniko hambi Titosi, a nga ti kumweko ni nani, ene i nga ti Mugriki, kha kurumetwa kuyiswa wukwerani;

1 Vakorinto 9:20

Ni ti mahile Mujudha kumweko ni Vajudha, kufela ku ni va mana. Ni hanyisa ku nga vale va hanyako hahatshi ka mlayo, nga no fumwa ngu wona, kufela ku ni va mana ni vona.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Vagalatiya 2:8

Nguko awule a nga ninga Pedro mtamo wa kuthumela ava va wukwera, anani a ni ningile mtamo wa kuthumela ava i ku si nga va wukwera.

1 Vakorinto 7:19

Wukwera hi nga txilo, wukhutu ni wona hi nga txilo; txa lisima ngu kuveketa sirumo sa Txizimu.

Mithumo 15:40

Paulo nene a to sawula Silasi e khukha, na vanawe va di mu navelete makatekwa a Mkoma.

Mithumo 15:37

Aniko Bharnabhasi a ti lava ve teka ni Johani, awu a dhanwako ku i Marku.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Vafilipiya 2:22

Kasi i di ene, anu ma yi ziva mithumo yakwe: Ene, nga mwanana wu a thumisanako ni tate wakwe, a thumile kumweko ni nani ka mthumo wa Evhangeli.