Mithumo 16:26 - Bhiblia Yo Sawuleka

²⁶ Kunukunuko ku to humelela kudekadeka ka hombe ka mafu, kuza kudekadekiswa ni marigwi a hahatshi ka mkora; matimba me tuleka, se titxhini ta votshe ti thuseka.

Mithumo 16:26 Referans Kwoze

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Mithumo 12:10

Se va to pinda mtxawa wo khata wa vawoneleti, ni wa wumbidi, ve hoka ka txike txa ditimba da simbi, atxi txi yisako didhoropani. Ditimba da kona di to tuleka dipune. Va to huma ve tsimbila mnavanyana wa nzila, se kunukunuko ngelozi yi to khukha yi mu siya Pedro.

Mithumo 12:7

Kunukunuko Ngelozi ya Mkoma yi to woneka, se kukhanya ku txi woninga nyumbani. Se ngelozi yi to gwesa Pedro, ha didhawa, yi mu wusa yi txi kha yona: “Kuluveta u txi khukha!” Se titxhini ti nje kuwa ngu manzani kwakwe.

Masalmo 146:7

a lamulako ngu kululama ava va tsindavetwako; a ningako dipawu ka vale va ku ni nzala.

Matewu 28:2

Se ku txi khata kuzinginikela ka hombe ka mafu, nguko Ngelozi ya Mkoma yi ti txhikile ngu nzumani yi ta wumbuluta dirigwi, yi khalahatsha txitimwi ka dona.

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

Masalmo 102:20

kasiku engisa kuvilela ka tikhumbi ni kuhulukisa avale va nga abaniselwa kufa.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Masalmo 79:11

Engisa tihuwa ta vale va nga sungwa se, ngu konaho ka mtamo wako, hanyisa avale va nga abaniselwa kufa.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Masalmo 68:6

Txizimu txa komba ka txikulungu wukhalo wa kuhanya ka wona txa txhatxhisa avale i ku vo sungwa; aniko vakanganyisi va na hanyela ditikoni ko oma.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.