Mithumo 16:25 - Bhiblia Yo Sawuleka

²⁵ Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

Mithumo 16:25 Referans Kwoze

Jakobe 1:2

Vanathu, yi woneni i di mhaka ya kutsakisa ngutu, amukelani ngu mbilu yo tsaka sotshe siduko si mi si manako,

Masalmo 119:62

Hagari ka wusiku na wuka ni txi kudhumisa ngu mhaka ya mithetho yako yo lulama.

Varoma 5:3

Kha hi ti dhumisi ngu toneto tokha, aniko ha ti dhumisa kambe ni mu ka sikarato, ngu kuziva ti taku kuxaniseka ka ninga kuhonisela,

Masalmo 77:6

Ni wotshe wusiku na pimisela mbiluni kwangu; mbiluni kwangu na alakanyela, ni txi ti wotisa ani nipune, ni txi khani:

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Jobe 35:10

Aniko ni wammweyo kha wombi ku khene: Txi hani Txizimu txi txi nga ni va nga kani? Txi ningako kuembelela ni wusiku kani?

Isaya 30:29

Ku nava ni ndando hagari kwanu, kufana ni wusiku wu ku mahwako m'buso wo sawuleka; ni kutsaka ka mbilu, ko fana ni ku humako mbimo ku yi ku vetwako tshodi, kasi ku ta mmangoni ka Mkoma, ka dirigwi da ka Israyeli.

Masalmo 71:7

Ni txixamaliso ka vavangi, nguko awe u wuthavelo wangu.

Masalmo 34:1

Ni na dhumisa Mkoma yotshe mbimo; ni na huwelela wudhumo wakwe ngu txisofu txangu, ni si gwiti.

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mithumo 5:41

Vona va to huma ngu banzani ka wukoma, na va txi tsaka ngu kumaneka va di ha mtengoni ka vale va ku ni fanelo yo xupheka ngu mhaka ya ditina da Jesu.

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Masalmo 119:55

Ni wusiku, na kualakanya, Mkoma, kasiku ni xayisa mlayo wako.

Masalmo 42:8

Aniko Mkoma a na ni rumela lirando lakwe, di di txite, kasiku ni txi m'dhumisa ngu lindando, di di swite, mkombelo ka Txizimu txi txi ni ningako wutomi.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

Jakobe 5:13

Wa ho wa kuxaniseka hagari kwanu, kani? A na khongele. Wa ho wa kutsaka hagari kwanu, kani? A na embelele tindando ta kudhumisa.

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 16:19

Aniko vanyamne va khumbi, ngako va txi wona ti to dibhindu di va nga ti themba dona di mwalate, va to ñola Paulo ni Silasi, ve va ruruvisela banzani masoni ka vafumeli;

Mithumo 16:33

Se muwoneleti wa mkora a to va teka ka yona mbimo yile ya wusiku e va kuwulela tivandwa tawe; se konaho e bhabhatiswa ene ni yotshe ngamu yakwe.