Mithumo 16:23 - Bhiblia Yo Sawuleka

²³ Ngako va di va humisile tivandwa ta tingi, va to va beta mkorani, ve leleta muwoneleti wa mkora kasiku e va woneleta ta tinene.

Mithumo 16:23 Referans Kwoze

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

Filimoni 1:9

ni randa kumaha ngu ku kukombela ngu lirando. Ani Paulo, wo kumba nga tiya, na kambe ni di ku khotelwani konkuwa ngu mhaka ya lirando la Jesu Kristu,

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Vaefesu 3:1

Ngu konaho, ani Paulo ni maneka ku khotelwani ngu mhaka ya Jesu Kristu, kufela kuvhuna anu vamatiko,

Mithumo 16:36

Muwoneleti wa mkora a to zivisa Paulo mhaka yiya, a txi khene: “Vanyamne va rumete ku mi thusa, humani konkuwa mi tsula ngu kudikha.”

Mithumo 16:27

Muwoneleti wa mkora a to wuka ngu wukoheni, se ngako a txi wona matimba a mkora ma di tulelekile, a to swomola ditxhari dakwe, e lava ku ti daya, ngu kupimisa ti to sotshe sibotxhwa si thavile.

Mithumo 12:18

Ngako di di txite, dizunga da hombe di to humelela hagari ka masotxhwa, ti to Pedro a mahisile kutxani.

Mithumo 12:4

Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Mithumo 9:2

eya kombela kwakwe mapasi awa ma nga bhalelwa masinagoga a Dhamasku, ti to ngako a txi ya mana koneyo vathu va Nzila yiya, vavamna mwendo vavasikati, e va yisa Jerusalema, va di sungilwe.

Mithumo 8:3

Kambe Sawule a ti ti xasela dibanza e wulela tinyumbani e ruruvisa vavamna ni vavasikati eya va rinza mkorani.

Mithumo 5:23

“Hi ti ya mana mkora wu di sekilwe ta tinene, ni vawoneleti va di emile ha txikeni; aniko ngako hi di tute, hi mani ku si nga ni m'thu kona.”

Mithumo 5:18

ve ñola vapostoli ve va khotela mkorani ka didhoropa dile.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Matewu 26:48

Se mningeli a ti ti langanile navo txikombiso txiya: “Awule ni na ku mu pswopswa, ngeneyo, mu ñoleni.”

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

2 Vakorinto 6:5

Ni mu ka kukwapwa, ni mu ku khotelwani, ni mu ka kulwiswani, ni mu kuthumiswani, ni mu kuwonelelani, ni mu kutitonani ka sakudya,

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

Joxuwa 4:17

Se Joxuwa a to gela vaphaxeli a txi khene: “Humani mnamboni ka Jordhani!”