Mithumo 16:16 - Bhiblia Yo Sawuleka

¹⁶ Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Mithumo 16:16 Referans Kwoze

Levhi 19:31

Mi nga yeni ka vanyamsoro, hambi ka vanyatixolo, mi nga thuke mi txi ya ka vona, nguko mi nga ti nyenyezisa: Ani ngani Mkoma, Txizimu txanu.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Vagalatiya 5:20

kukhozela sizimu sa walo, wuloyi, livengo, maguwa, txiluse, txitsikivi, kukanetana, ku ambi engisana, mibango,

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

1 Samuwele 28:7

Sekoko Sawule a to khene ka sithumi sakwe: Ni laveleni wamsikati wule a ku ni sikwembu, kasiku ni tsula kwakwe ni ya mwotisa. Se sithumi sakwe si to kha sona kwakwe: Wona taku, aho wamsikati a ku ni sikwembu kona Eni-Dhori.

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

Mithumo 16:18

E tama a txi mahisa toneto masiku amangi; se Paulo e xamukiswa ngutu, a txi gwita ngu kutshembereka a txi gela moya, a txi khene: “Na kuruma ngu ditina da Mkoma Jesu Kristu: Huma ka muhoraneyo.” Se kunukunuko moya wu to huma.

Mithumo 16:13

Ngu ditshiku da Sabbata, hi to huma ngu didhoropani hi ya mnamboni, ahawa hi nga pimisa ti to ku nga va ni wukhalo wo khongela kona. Ngako hi di khalahatshile, hi to womba-womba ni vavasikati, va nga ti sengeletani konaho.

1 Samuwele 28:3

Ka mbimo yoneyo Samuwele a ti fite, votshe va ka Israyeli va ti mu dite, ve mtshotsha kona Rama, i nga ti didhoropa dakwe; se Sawule a ti tutumisile vahuti ni tiñanga ditikoni.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Mithumo 19:24

M'thu wokari, ditina dakwe a nga ti dhanwa ku i Dhemetriyo, mtshuli wa simaha sa nzalama a ti ti khanda mathepele a silivhela a Artemi, se a ti ninga dibhindu da kuzivaneka ta tinene ka vatshuli kulowe.

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Levhi 20:27

Ngako wamwamna mwendo wamsikati a txi ya ka vanyamsoro, mwendo ka vanyatixolo, ngu ditshuri a fanete kufa, a na baliselwa ngu marigwi, mnoha wakwe wu na wa txitimwi kwakwe.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

Mithumo 16:19

Aniko vanyamne va khumbi, ngako va txi wona ti to dibhindu di va nga ti themba dona di mwalate, va to ñola Paulo ni Silasi, ve va ruruvisela banzani masoni ka vafumeli;