Mithumo 16:15 - Bhiblia Yo Sawuleka

¹⁵ Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Mithumo 16:15 Referans Kwoze

Mithumo 11:14

Ene a na kugela timhaka ti u no hanyiswa ngu tona, awe ni wotshe mwaya wako.’

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Mithumo 16:33

Se muwoneleti wa mkora a to va teka ka yona mbimo yile ya wusiku e va kuwulela tivandwa tawe; se konaho e bhabhatiswa ene ni yotshe ngamu yakwe.

Luka 24:29

Vona va to mkombela ngu kutamarisa va txi kha vona: “Zumba ni nathu, nguko ditambo di ya kuswani, se mbusiku.” Se Ene a to wulela m'tini e zumba navo.

Genesisi 19:3

Loti a to ti khongotela ngutu tiza ti txi tumela kuwulela nyumbani kwakwe. A to ti lulamisela sakudya, e bhika mapawu o mbi na mtshumbelo, se tona ti dya.

3 Johani 1:8

Ngu konaho, hi fanete ku va amukela vathuvo, kasi ku hi thumisana navo amu ka ditshuri.

3 Johani 1:5

Wo randeka, u hanya wutomi wo thembeka ka totshe ti u ti mahako ka vanathu, ngutu-ngutu ka vale i ku vapfhumba.

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

Filimoni 1:17

Ngu konaho, ngako u txi ni maha mngana-kuloni, mu amukele nga wo ni amukela ani nipune.

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vagalatiya 6:10

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

2 Vakorinto 12:11

Ni ti mahile diphuphulu! Anu nganu mi nga ni kurumeta kumaha eto. Anu nganu mi nga ti fanete ku ni dhumisa. Nguko, kuwalo ni txilo txa tximwetxo va nga ni pala ngu txona “Vapostolivo vawe va hombe.”

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Varoma 16:23

Wa mi dingula Gayusi, awu a nga ni amukela kumweko ni dotshe dibanza. Wa mi dingula Erastusi, mñoli wa male ya didhoropa diya, ni mwanathu Kwartu.

2 Johani 1:10

Ngako m'thu a txi ta kwanu, na asi nehi gondo yiya, mi nga mu amukeleni mitini kwanu, hambi ku mlosa mi nga mloseni.

Mithumo 18:8

Krispo, mthangeli wa disinagoga a to kholwa ka Mkoma ene ni yotshe ngamu yakwe; ni Vakorinto vavangi, ngako va txi engisa Paulo, va to kholwa ni vona, ve bhabhatiswa.

Mithumo 8:38

Se a to rumela ti to txikotxikani txi emiswa; se ve kwitima veya matini ngu wumbidi wawe, Filipi ni mthangeli wule wa mthenwa; Filipi a to m'habhatisa.

Mithumo 8:12

Kambe, mbimo yi va nga kholwa ka Filipi, awu a nga va gela Evhangeli ya Mfumo wa Txizimu ni ditina da Jesu Kristu, vavamna ni vavasikati va to bhabhatiswa.

Luka 14:23

Se nyamne wa m'ti a txi khene ka txithumi: ‘Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala.

Matewu 10:41

Awule a amukelako mprofeti, ngu kuva ene i di mprofeti, a na ningwa hakhelo ya mprofeti; se awule a amukelako m'thu wo lulama, ngu kuva ene i di m'thu wo lulama, a na amukela hakhelo ya mlulami.

2 Vafumeli 4:8

Ku to maheka ati to dimwani ditshiku Elixa a txi ya Sunemi, a to wona wamsikati wokari wo mana, awule a nga m'zumbisa ni ku mninga dipawu; ku to maheka ati to yotshe mbimo a txi tolovela kupinda edya kona.

1 Samuwele 28:23

Kambe ene a to lamba, a txi khene: Kha ni na mbi dya. Se sithumi sakwe ni wule wamsikati va to mkurumeta; a to engisa dipswi dawe. Se a to khukha e khalahatshi txitimwi ka mbhedhu.

Genesisi 33:11

Ngu toneto, na kombela, amukela txiningo txangu atxi ni ku mahelako, nguko Txizimu, txi ni mahete wumbilu, sa ku ti vhuna ngu sona ani, sotshe ni naso.” Ngu kukhokhoniswa, Esawu a tumete.

Matewu 3:6

Va txi bhabhatiswa ngu ngene mnamboni ka Jordhani, va txi ti tshanza sionho sawe.

Mithumo 16:31

Vona va txi kha vona: “Kholwa ka Mkoma Jesu Kristu, se u na huluswa awe ni va mwaya wako.”

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.