Mithumo 16:12 - Bhiblia Yo Sawuleka

¹² Ngako hi txi khukha konaho, hi to konama kuya Filipiya, i ku Didhoropa da Hombe, ditikoni ka Makedhoniya, koloniya ya Varoma. Se hi zumbile ka didhoropa diya masiku okari.

Mithumo 16:12 Referans Kwoze

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Mithumo 20:6

Athu hi to khukha Filipiya hi tsimbila ngu txitimela, msana ka masiku a mapawu o mbi tshumbelwa; se hi ya va mana Trowasi, msana ka mtxhanu wa masiku ni mambidi.

Mithumo 16:21

Va gondisa mikhuwo yi hi si faneliko ku yi londetela ni ku yi maha athu hi ku Varoma.”

Mithumo 16:9

Se ni wusiku, Paulo a to wona txiwoniso: Wamwamna wa Makedhoniya masoni kwakwe, e mkombela, a txi khene: “Ngono Makedhoniya u ta hi vhuna.”

Mithumo 16:10

Msana ka txiwoniso txiya a nga txi wona Paulo, konako hi to ti longisela kasi kuya Makedhoniya, ngu kuziva ti to Mkoma a ti hi dhana kuya txhumayela kona Evhangeli.

Mithumo 18:5

Mbimo yi Silasi ni Timoti va nga ta ngu Makedhoniya, Paulo a to ti ningetela kugondisani ka dipswi dwe, e tsanisa masoni ka Vajudha ti to Mesiya ngene Jesu.

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

Mithumo 19:29

Dizunga di to tshanganisa txotshe txidhoropana, se vathu ngu ntalo ve tutumela ka wukhalo wa misakano, na va txi ruruvisa Gayo ni Aristarkusi, vathu va Makedhoniya va nga ti tsimbila kumweko ni Paulo.

Mithumo 20:1

Ngako yi di rengile vhilinganya, Paulo a to dhana vagondiswa, a txi va gela mapswi ova tsanisa. Msana keto, a to va satisa e teka nzila ya kuya Makedhoniya.

Mithumo 20:3

ahawa a nga ya zumba mitxima yiraru. Mbimo yi a nga lava kubela txitimelani eya Siriya, ku to tumbuluka dizunga da kuwukela ene, na di txi vhukwa ngu Vajudha, se ene e wona nzila ya kutshumelela Makedhoniya.

Mithumo 27:2

Ku ti ngako hi di wulete ka txitimela txa kuta ngu Adramita, ayi yi nga ti txhatukela kuya phuho ya Aziya, hi to ñola nzila hi tsula. Hi ti ni Aristarkusi wa Tesalonika, didhoropa da Makedhoniya.

Varoma 15:26

Nguko va Makedhoniya ni va Akaya va randile kumaha msengo wa kuya vhuna vasawuleki va Jerusalema, va ku wusiwanani.

Vafilipiya 1:5

ni txi khumbula txivhuno txi mi nga txi maha ka mhaka ya kuhangalasa Evhangeli, kukhukhela ka ditshiku do khata kala nyamsi.