Mithumo 15:9 - Bhiblia Yo Sawuleka

⁹ Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Mithumo 15:9 Referans Kwoze

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Mithumo 11:12

Se Moya wu to ni gela ti to ni na tsule navo, ni si kanakani; vanathu vava va mtxhanu ni mmweyo va to tsula kumweko ni nani. Se hi ti ya wulela m'tini ka ene Korneliyo wuwa.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Mithumo 10:34

Konaho Pedro a to khata kuwombawomba, a txi khene: “Kha ditshuri se na ti wona ti to Txizimu kha txi khedhi m'thu.

1 Vakorinto 7:18

Wa ho wu a nga dhanwa wukholwani, a di yisilwe wukwerani kani? A nga lave kusisa wukwera wakwe. Wa ho wu a nga dhanwa wukholwani a sinzi kuyiswa wukwerani? A nga lave kuyiswa wukwerani.

Varoma 9:24

Vathu vava ngu ngathu Txizimu txi nga hi dhana, athu hi humako i si nga ngu ka lixaka la Vajudha dwe, aniko ni ka lixaka la vamatiko ni vona.

Varoma 3:9

Se hi na txani kani? Ina athu Vajudha hi ngadi ni to pala vamwani kani? Lambi, ni kudotho! Nguko hi kombisile ngu kale ti to hambi i di Vajudha, hambi i di Vagriki, va hahatshi ka txionho;

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 14:1

Ikoniyo ni kona, Paulo ni Bharnabhasi, va to wulela disinagogani ka Vajudha ve gondisa, ahawa koza dibutho da hombe da Vajudha ni Vagriki ve kholwa.

Mithumo 10:15

Dipswi di to engeta di txi womba kwakwe, di txi kha dona: “Silo si Txizimu txi nga si basisa, u nga wombe ti to sa yila.”

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Ezekhiyele 47:22

Eko mi na xola maabanelo a thomba, ni yi yo ninga valuveli vale va ku hagari kwanu, va nga veleka vanana hagari kwanu; va na nga sizikwa hagari ka va ka Israyeli; va na mana thomba kumweko ni nanu, hagari ka tihunzu ta ka Israyeli.