Mithumo 15:40 - Bhiblia Yo Sawuleka

⁴⁰ Paulo nene a to sawula Silasi e khukha, na vanawe va di mu navelete makatekwa a Mkoma.

Mithumo 15:40 Referans Kwoze

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 14:26

Va txi khukhela koneyo, va to tsula ngu txitimela va txi ya Antiyokiya, ahawa va nga khatela kona, na va txi themba kateko ya Txizimu, ka mthumo wule va nga gwita ku wu maha.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Titosi 3:15

Va kudingula votshe va va ku ni nani. Dingula votshe va va hi randako ngu mu ka likholo. Makatekwa a Txizimu ma nave ni nanu motshe!

2 Timoti 4:22

Mkoma a nave ni moya wako! Kateko yi nave ni nanu motshenu!

Mithumo 20:32

“Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 13:3

Sekoko ngako va di gwitile kutitona sakudya ni kukhongela, va to va sanzeka manza ve va ruma.

Mithumo 16:19

Aniko vanyamne va khumbi, ngako va txi wona ti to dibhindu di va nga ti themba dona di mwalate, va to ñola Paulo ni Silasi, ve va ruruvisela banzani masoni ka vafumeli;

Mithumo 17:4

Se vamwani hagari kwawe va to kholwa, ve ti patanisa ni Paulo ni Silasi, kumweko ni dibutho da hombe da Vagriki va va khozelako Txizimu ni vavasikati votala va kuxonipheka.