Mithumo 15:30 - Bhiblia Yo Sawuleka

³⁰ Ava va nga rumwa; ngako va di satisile, va to kwitima veya Antiyokiya, ahawa va nga ya ramba msengeletano wa makholwa kasi kuvaninga dipapilo diya.

Mithumo 15:30 Referans Kwoze

Mithumo 16:4

Ka madhoropa awa va nga ti pinda ngu ka ona, va ti zivisa vanawe milayo yi yi nga vekwa ngu Vapostoli ni madhota a Jerusalema, va txi va laya ti to ve mi veketa.

Mithumo 6:2

Se va Digumi ni Vambidi va to ramba dibutho da vagondiswa, ve va gela tiya: “Kha ti laveki ti to hi leka kutxhumayela Dipswi da Txizimu, hi thumela timezani.

Mithumo 23:33

Ngako va di hokile Khezareya, vagadhi va mahantxhi va to ningela dipapilo ka mfumeli, ve humisa ni Paulo masoni kwakwe.

Mithumo 21:22

Hi na maha txani kani? Kunene, dibutho di na rambana, ngako di txi tipfa ti to u bwakile.

Mithumo 11:19

Ava va nga ti hangalakile ngu kuxaniswa ku ku nga humelela, mbimo yi Sitefani a nga dawa, va to ya masoni kala veya hoka Fenikiya, ni Kipra ni Antiyokiya, va txi txhumayela Dipswi ka Vajudha dwe.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Mithumo 11:27

Ka oneyo masiku, vaprofeti vokari va to kwitima ngu Jerusalema veya Antiyokiya.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 15:31

Ngako di di gondilwe, vathu va to tala ngutu ngu kutsaka ngu konaho ka mapswi a dona.