Mithumo 15:3 - Bhiblia Yo Sawuleka

³ Ku ti ngako va di longetwe sotshe ve heleketwa ngu Dibanza, va to pinda ngu Fenikiya ni Samariya, va txi womba-womba ngu kuhunduluka ka vamatiko, se vanawe ve tsakiswa ngutu ngu mhaka yiya.

Mithumo 15:3 Referans Kwoze

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Titosi 3:13

Ti karate u txi vhunetela kulongela dipfhumba da Zena, m'zivi wa mlayo, ni Apolosi, kasiku va si pwatekelwi ngu txilo.

1 Vakorinto 16:11

Ngu toneto, ku nga ve ni m'thu wa ku mkanyisa. Mu lulamiseleni dipfhumba dakwe ngu kuthutha kasi kueta kheno kwangu, nguko ani ni m'verete kumweko ni vanathu.

1 Vakorinto 16:6

Kutilava ni nata zumba ni nanu, mwendo kambe ku ta heta mbimo ya wuxika ni di kheyo, kasiku mi ni heleketa amu ni endelako kona.

Varoma 15:24

ni nata kwanu, ngako ni txi ya Espanya; na themba ti to nata mi wona, akuwa ni nota pinda ngu konaho kwanu. Nganu mi no ni heleketa konkheyo, ngako se ni di londote ka kudotho litsako la ku mi wona.

Mithumo 15:12

Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

2 Vakorinto 1:16

Se, ni ti pimisa kupinda ngu kwanu, ni txi tsula Makedhoniya ni kuwuyani kambe, kasiku ni txi ta vhunwa ngu nganu ka dipfhumba da kuya Judheya.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.

Mithumo 13:52

Ngu didhawa da vagondiswa, vona va to sala va di tate ngu litsako ni Moya wo Sawuleka.

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Mithumo 8:14

Mbimo yi va nga tiengisa ti to vathu va didhoropa da Samariya va amukete dipswi da Txizimu, Vapostoli va va nga ti Jerusalema va to rumela koneyo Pedro ni Johani.

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 17:15

Se ava va nga txi heleketa Paulo, va to mu hokisa Atena; se ve tshumela ni txileleto txo ta gela Silasi ni Timoti, kasiku ve kuluveta ve tsula kwakwe.

Mithumo 20:38

Va txi mu pswopswa, na va txi karateka ngutu ngu mapswi awa a nga ma womba; a ku khene kha va na mbiswa ve wona kambe khohe yakwe. Msana keto, va to mu heleketa kala kuhoka txitimelani.