Mithumo 15:29 - Bhiblia Yo Sawuleka

²⁹ Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Mithumo 15:29 Referans Kwoze

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Mithumo 21:25

“Vamatiko vava va nga amukela likholo, hi khala hi txi va bhalela ati hi nga sunga tona: Ti to va na ti wonele ka tinyama to phaxwa ka sithombe, ka mnoha ni ka tinyama to dawa ngu kukamwa mkolo, ni ka mithumo ya wugango.”

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Levhi 17:14

Nguko wutomi wa mmidi ngu mnoha wu txihari txi ku nawo; se ngu toneto, ani ni tsimbile va ka Israyeli, ti to va si dyi mnoha wa txihi ni txihi txihari. Wutomi wa sihari wu mu ka mnoha; awule a wu dyako a na tutumiswa hagari ka vathu va ka kwawe.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

1 Johani 5:21

Sivananananu, tshuralelani sizimu sa walo! Amen!

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

2 Vakorinto 11:9

Mbimo yi ni nga vilela kuvhunwa ni di hagari kwanu, kha na nemeta m'thu, nguko vanathu va Makedhoniya va ni vhuni ka si ni nga ti si pwata. Ka sotshe kha ni zivi ku nga mi nemeta, ni konkuwa ni ngadi ni txi na mahisa toneto.

Mithumo 18:21

Se a to va salisa, a txi khene: “Ni na tshumela ni wuya kwanu, ngako Txizimu txi txi ti lava.” Se a to khukha Efesu e tsula ngu txitimela.

Luka 9:61

Mmwani nene a m'gete ku khene: “Ani ni na kulondisela, Mkoma, aniko ni tumelele ni ya thanga ngu kusatisana ni vale va ku nyumbani kwangu.”

Mithumo 23:30

Se ngako ni di getwe timhaka ta txikungo txa Vajudha txo lava ku m'daya, ni kuluvetile ku mrumela kwako; se ni gete vava va mu mangalelako, ti to ve womba masoni kwako ati va mu mangalelako tona.”

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.