Mithumo 15:28 - Bhiblia Yo Sawuleka

²⁸ Moya wo Sawuleka, kumweko ni nathu, hi woni ti to ndinene ku hi si mi rweki mrwalo wumwani, hahanze ka tifanelo tiya ti lavekako, ati taku:

Mithumo 15:28 Referans Kwoze

Johani 16:13

Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka.

Matewu 11:30

Nguko mpakato wu ni mi ningako wa hehuka, ani mrwalo wa kona wa rwaleka.”

Mtuletelo 2:24

Aniko i di anu vamwani, va Tiyatira, mi si londeteliko gondo yiya, anu mi si ziviko kueta ka Sathani, nga tona ti va wombisako tona, na mi gela ti to kha ni lavi ku mi rweka wumwani mrwalo,

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

1 Vakorinto 14:37

Ngako mmweyo wanu a txi tipfa ti to i mprofeti mwendo m'thu wu a nga woniswa mhaka ngu Txizimu, a na ti zive konaho ti to ati ni mi bhalelako nzirumo sa Mkoma.

1 Vakorinto 7:40

Aniko, ka mawonelo angu, a na va a di katekile, ngako a txi zumbisa ti a nga salisa tona. Ni pimisa ti to nanani ni ni Moya wa Txizimu.

Mithumo 15:19

“Ngu konaho, ani ni lamula ti to kha ti nga ni fanelo kukarata mahedheni awa ma hundulukako me wuya ka Txizimu.

Mithumo 15:8

Se Txizimu txi zivako timbilu ta vathu txi va mahete wufakazi, ngu kuvaninga Moya wo Sawuleka nga ti txi nga hi ningisa tona nathu.

Mithumo 5:32

Athu hi tifakazi ta timhaka tiya kumweko ni Moya wo Sawuleka, awu Txizimu txi wu rumelako ka vale va txi engisako.”

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

1 Vakorinto 7:25

Ka vale va sinziko kuteka mwendo kutekwa, kha ni nga ni txileleto txa didhawa da Mkoma, aniko na veka mawonelo angu, kota nga wu a nga mana wumbilu ka Mkoma, kasi e va i di wo thembeka.

Mithumo 15:25

athu ngu kuengisana kwathu, hi woni ti taku ndinene kukhedha madhota hi ma ruma kumweko ni vo randeka vathu, Bharnabhasi ni Paulo,

Matewu 23:4

Va sunga mirwalo yo nemela ni yo karata kurwala, ve yi rweka ha makata ka vathu, aniko vona kha va yi zinginisi hambi ngu litiho.

Mithumo 16:4

Ka madhoropa awa va nga ti pinda ngu ka ona, va ti zivisa vanawe milayo yi yi nga vekwa ngu Vapostoli ni madhota a Jerusalema, va txi va laya ti to ve mi veketa.