Mithumo 15:25 - Bhiblia Yo Sawuleka

²⁵ athu ngu kuengisana kwathu, hi woni ti taku ndinene kukhedha madhota hi ma ruma kumweko ni vo randeka vathu, Bharnabhasi ni Paulo,

Mithumo 15:25 Referans Kwoze

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Luka 1:3

Anani ni ti woni ti di ni fanelo ku kubhalela, ngu nzila yi yi lavekako, awe wa hombe Teyofilo, msana ka kusetxha totshe kha kwati, kukhukhela makhatoni ka tona,

Filimoni 1:16

na i si nga ngadi khumbi, aniko a txi va i di wu a pindako khumbi, mwanathu wo randeka, kambe ene mbwo randeka ngutu kwangu, ngutu-ngutu kwako nawe, a na va i di wo randeka ngu ka wuthu ni ka Mkoma.

Vakolosa 4:9

Kumweko ni Onesimu, mwanathu wo thembeka ni kurandeka ngutu, awu i ku wa lixaka la ka kwanu. Vona va nata mi xawutela totshe ti ti mahekako kheno.

Vakolosa 4:7

I di mahungu a ti ni hanyisako tona, a nata mi xawutela totshe ene Tikiko mwanathu wo randeka, txithumi txo thembeka, txithumi kulothu mthumoni ka Mkoma.

Vaefesu 6:21

Kufela ku a ta mi zivisa mahungu angu ni ti ni thumako tona, ni mi rumela Tikiko, mwanathu wo randeka, ni kuthembeka mthumoni ka Mkoma, ene a na mi zivisa totshe.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

Varoma 16:12

Dingulani Trifena ni Trifosa, vavasikati va va thumelako ditinani ka Mkoma. Dingulani Persidha wu a randekako, awu nene a nga thuma ngutu ditinani ka Mkoma.

Mithumo 15:35

Ani Paulo ni Bharnabhasi, evo va sate Antiyokiya. Se va di patani ni vamwani votala, va ti gondisa ni kunuwela Mahungu a Manene a dipswi da Mkoma.

Mithumo 15:6

Se vapostoli ni madhota va to sengeletana kasiku ve yi wonisisa kha kwati mhaka yiya.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

Matewu 11:26

Ina, awe Tata, nguko eto ti mahekile ngu kuranda kwako.