Mithumo 15:24 - Bhiblia Yo Sawuleka

²⁴ Ngako hi di engisile to vamwanyani vokari, va ka kwathu, va tile kwanu, na va sa rumelwa ngu ngathu, va ta mi dhukisela, va txi mi thela kukanakana timbiluni kwanu ngu mapswi awe,

Mithumo 15:24 Referans Kwoze

Vagalatiya 5:12

Avale va phayako vhilinganya hagari kwanu va na ye hawa ko gwita ngu ku ti thena!

Vagalatiya 5:10

Ani nina ni kuthemba ngu nganu, ka Mkoma tito, kha mi na mbi va ni yimwani mialakanyo yo hambana ni yangu. Aniko awule a mi vhinganyisako, a na rwala kuabaniswa kwakwe, hambi i di mani ni mani.

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Vagalatiya 1:7

Kha yi nga ho yimwani Evhangeli. Atxi txi kuho ngu vale va vhinganyiselako mapimo anu, va zamako kusoholota Evhangeli ya Kristu.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

Vagalatiya 5:4

Mi ti hambanisile ni Kristu anu mi lavako kumahwa valulami masoni ka Txizimu ngu mhaka ya Mlayo, mi wete kule ni kateko ya Txizimu.

Jeremiya 23:16

Mkoma wa Mabutho a Tiyimbi a khene: Mi nga engiseleni timhaka ta vaprofeti vava va profetako kwanu, nguko va mi kanganyisa; va txhumayela siwoniso sa timbilu tawe vapune, na si si humi ngu ka txisofu txa Mkoma.