Mithumo 15:23 - Bhiblia Yo Sawuleka

²³ Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Mithumo 15:23 Referans Kwoze

Mithumo 23:26

“Klawudhiyo Lisiya, kwako mfumeli wa hombe Felikisi, xewe!”

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Vagalatiya 1:21

Msana ka toneto, ni to tsula ka maphambo a Siriya ni Kilikiya.

Mithumo 15:22

Sekoko, Vapostoli ni madhota, va di engisanile ni dotshe dibanza, va to wona ti to ndinene kusawula vamwani vokari hagari kwawe, kasi ku va rumela Antiyokiya kumweko ni Paulo ni Bharnabhasi. Ku khedhilwe Judha awu a dhanwako ku i Bharsabha ni Silasi, i ku vathu va kuxonipheka hagari ka vanawe.

3 Johani 1:14

Na themba ti to hi na wonana kunukunuku, se hi nata womba-womba, hi txi wonana khohe ni khohe.

2 Johani 1:13

Va kudingula vanana va ndiyako yo sawulwa ngu Txizimu.

2 Johani 1:10

Ngako m'thu a txi ta kwanu, na asi nehi gondo yiya, mi nga mu amukeleni mitini kwanu, hambi ku mlosa mi nga mloseni.

2 Johani 1:3

kateko ni wumbilu ni kudikha, si txi huma ngu ka Txizimu Tate ni ka Jesu Kristu, Mwanana wa txona, si nave ni nathu, si txi hi tsanisa amu ka ditshuri ni mu ka lirando.

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 21:25

“Vamatiko vava va nga amukela likholo, hi khala hi txi va bhalela ati hi nga sunga tona: Ti to va na ti wonele ka tinyama to phaxwa ka sithombe, ka mnoha ni ka tinyama to dawa ngu kukamwa mkolo, ni ka mithumo ya wugango.”

Mithumo 21:3

Ngako hi di hokile ahawa ku wonekako Kipra, hi to txi pinda txitondolo txiya ngu didhawa ka txibhabha, hi tsula Siriya, hi txi ya hoka Tiro, nguko eyo ku ti ni siya si nga ti fanela kurulwa ngu txitimela.

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Mithumo 6:9

Kambe vamwani va kuta ngu ka disinagoga di di dhanwako ku nda Vathuseki, ni vamwani va Kirene ni va Alexandriya kumweko ni vamwani va Kilikiya ni va Aziya, va to ema ve kanetisana ni Sitefani.

Mithumo 11:20

Hambi keto, hagari kwawe, ku ti ni vavamna va Kipra ni va Kirene, avava va nga wulela Antiyokiya, ve womba-womba kambe ni ka Vagriki, ve va txhumayela Evhangeli ya Mkoma Jesu.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.