Mithumo 15:20 - Bhiblia Yo Sawuleka

²⁰ Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Mithumo 15:20 Referans Kwoze

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

Mithumo 21:25

“Vamatiko vava va nga amukela likholo, hi khala hi txi va bhalela ati hi nga sunga tona: Ti to va na ti wonele ka tinyama to phaxwa ka sithombe, ka mnoha ni ka tinyama to dawa ngu kukamwa mkolo, ni ka mithumo ya wugango.”

1 Vakorinto 6:18

Thavani wugelegele. Txionho txihi ni txihi a txi mahako m'thu, txi kule ni mmidi wakwe; kambe awule a mahako txionho txa wugelegele a onhela mmidi wakwe wupune.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

1 Pedro 4:3

Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

1 Vatesalonika 4:3

Kuranda ka Txizimu ngu kuwa: Ti to mi hanya kusawulekani, mi txi tshuralela txionho txa wugango.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

Vaefesu 5:3

Kambe wugango ni mithumo yotshe ya nzambwa mwendo likungo, si nga ve ni kuwombwa hagari kwanu, nga ti ti fanelako vasawuleki.

Vagalatiya 5:19

Mithumo ya mtumbuluko wa nyama ma yi ziva, ngu yiya: Wugelegele, mikhuwo ya nzambwa, ku ambi ti ñola;

1 Vakorinto 8:1

Ka mhaka yi yi wombako ngu sakudya sa kugandela sizimu sa walo, ha tiziva ti to hotshethu hi ni wuzivi. Wuzivi wu ninga kutikukumukisa, aniko lirando la aka.

1 Vakorinto 7:2

Aniko, ngu konaho ka wugelegele wu nga tala, wamwamna ni wamwamna a nave ni msikati wakwe; wamsikati ni wamsikati nene a nave ni mwamna wakwe.

1 Vakorinto 5:11

Ati ni nga mi bhalela, ni ti lava ku khani mi nga sengeleni ni wule a wombako ti to i mwananu, na kasi i m'gelezi, i mfeleli, i mkhozeli wa sa walo: Mruketeli, didevi, mwendo dikhokhokho. Avava, hambi kudya mi nga dyeni navo.

Ezekhiyele 4:14

Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.

Dhewuteronome 15:23

Mnoha wa kona dwe u nga dye; wu thekete ha mafuni nga mati.

Dhewuteronome 12:16

Kambe mnoha mi nga dyeni, wu theketeni ha mafuni ku nga mo theketa mati.

Mtuletelo 10:8

Dipswi di da kuta ngu nzumani ni nga ti di engisile, di to engeta di womba-womba ni nani di txi kha dona: “Tsula, inda ya teka txibhukwana txo tulwa, manzani ka ngelozi yi nga ema txitimwi ka linene ni mafu.”

Mtuletelo 10:2

manzani yi ti ñote txibhukwana, txo tulwa. Se yi to veka mkondo wa txinene txitimwi ka linene, ani wa txibhabha yi di wu vekile txitimwi ka mafu.

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.

2 Vakorinto 12:21

Na thava ti to mbimo yi ni no tshumela ni ta kheyo kwanu, Txizimu txi nata ni xowokisa ngu mhaka yanu, se ani ni txi dila ngu mhaka ya vale vavangi, va nga onha kale, va sinziko kuhunduluka ka wubihi, ka wugelegele ni ka manyala ya ti va nga ti maha.

1 Vakorinto 6:13

Sakudya si lumba mrumbu, mrumbu wu lumba sakudya, aniko Txizimu txi na fuvisa sakudya, ni mrumbu. Mmidi wathu hi nga wa wugelegele; mmidi wathu wu lumba Mkoma. Mkoma nene a lumba wona mmidi.

Dhaniyeli 1:8

Se Dhaniyeli a to xambanya mbiluni kwakwe ti to kha na mbi thuka e ti nyenyezisa ngu kudya sakudya sa mfumeli, hambi kusela vhinya yakwe; ngu kumaha keto, a to kombela kuvhunwa ngu mthangeli wa mithenwa ku asi ti nyenyezisi.

Ezekhiyele 33:25

Va gele koko u txi khawe: Mkoma Txizimu a khene: Midya ni mnoha, se mi guleta maso mi wona sithombe sanu, kambe ma theketa mnoha! Ina mi na lumbwa ngu ditiko diya kani?

1 Samuwele 14:32

Sekoko vathu va to tutumela kuya handa, ve teka tinvuta, ni tihomu, ni marole, se ve si daya hahatshi, ve dya ni mnoha wa sona.

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Mitengo 25:2

Vona va to ramba vathu kuya phaxela sizimu sawe; vathu va to dya, ve khizamela sizimu sawe.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Levhi 18:6

Ni wammweyo wamwamna a nga thuke e otela ni wamsikati wu i ku mnoha wumwewo nayo, a txi tumbula wumbwiri wakwe. Ani ngani Mkoma!

Levhi 19:26

Kha mi na mbi dya nyama yi yi ku ni mnoha; kha mi na mbi wotisa ka nyamsoro, kambe kha mi na mbi xaxuva ka nyatixolo!

1 Samuwele 14:33

Se va to zivisa Sawule va txi kha vona: Wona taku vathu va onhela Mkoma, ngu kudya nyama ni mnoha wa yona. Se ene a to khene: Mi onhile ngutu; wumbulutani dirigwi da hombe nyamsi di ta hawa kwangu.