Mithumo 15:12 - Bhiblia Yo Sawuleka

¹² Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

Mithumo 15:12 Referans Kwoze

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 21:19

Msana ka kulosa, a to khata kutxhatxhameta masoni kwawe, yimweyo ngu yimweyo, totshe ti Txizimu txi nga ti maha ngu ngene hagari ka vamatiko.

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

Mithumo 15:3

Ku ti ngako va di longetwe sotshe ve heleketwa ngu Dibanza, va to pinda ngu Fenikiya ni Samariya, va txi womba-womba ngu kuhunduluka ka vamatiko, se vanawe ve tsakiswa ngutu ngu mhaka yiya.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,