Mithumo 14:3 - Bhiblia Yo Sawuleka

³ Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Mithumo 14:3 Referans Kwoze

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Mithumo 20:32

“Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Mithumo 5:32

Athu hi tifakazi ta timhaka tiya kumweko ni Moya wo Sawuleka, awu Txizimu txi wu rumelako ka vale va txi engisako.”

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.