Mithumo 14:27 - Bhiblia Yo Sawuleka

²⁷ Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Mithumo 14:27 Referans Kwoze

1 Vakorinto 16:9

nguko ahawa mthumo wangu wu tuletwe ditimba da hombe, na kasi valala mbavangi.

Mithumo 15:12

Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

Vakolosa 4:3

mi txi hi kombelela nathu, kasiku Txizimu txi hi tulela nzila ya kutxhumayela kwathu, hi sikota kuhuwelela msisalo wa Kristu, ani ni maneka mkorani ngu mhaka ya wona msisalowo.

2 Vakorinto 2:12

Ngako ni di hokile didhoropani ka Trowadhe kasiku ni txi ya txhumayela kona Evhangeli ya Kristu, ni woni ti to Mkoma a ni tulete nzila ya kuthuma mthumo wakwe konaho.

1 Vakorinto 5:4

Ngu ditina da Mkoma wathu Jesu, na anu mi di tshanganile ni moya wangu, ngu mtamo wa Mkoma wathu Jesu,

1 Vakorinto 11:18

Kukhata, ni engisa tito, mbimo yi mi tshanganako, ku ni mibango hagari kwanu; kambe eto na ti tumela kudotho.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Johani 9:10

Sekoko, va txi mu wotisa, va txi kha vona: “Nji txani txi nga maheka, kasiku maso ako me mana kuwona kani?”

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

1 Vakorinto 14:23

Ngu toneto, ngako di txi tshangana dotshe dibanza msengeletanoni, se votshe va txi womba-womba ngu tidimi to hambana, se konako ku txi wulela vathu vo mbi tiziva, mwendo va va si kholwiko, ina kha va na mbi womba ti to mi bharukile, kani?