Mithumo 14:2 - Bhiblia Yo Sawuleka

² Aniko Vajudha va va nga mbi kholwa va to kujetela vamatiko kasiku timbilu tawe ti txi wukela vanathu.

Mithumo 14:2 Referans Kwoze

Mithumo 13:50

Aniko Vajudha va to kujetela vavasikati va kutiningetela mu ka wukhongeli, na i di va kuxonipheka amule didhoropani, ti to ve va humisa ditikoni kwawe.

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

Mithumo 14:19

Ti di mahile eto, ku to bwaka Vajudha va kuta ngu Antiyokiya ni Ikoniyo ve ta kujetela mabutho a vathu ti to ve balisela Paulo ngu marigwi, se ve mu ruruvisa ve mu yisa hahanze ka didhoropa, na va txi alakanya ti to a fite. Kambe ngako vagondiswa va di mu ranganyetile, a to wuka e wulela didhoropani.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Mithumo 17:13

Kambe Vajudha va Tesalonika, ngako va txi pfa ti to dipswi da Txizimu da txhumayelwa ngu Paulo ni kona Bhereya, va to tsula koneyo veya wusa vhilinganya ni livengo hagari ka dibutho.

Mithumo 18:12

Mbimo yi Galiyo i nga ti muemeli wa wukoma ditikoni ka Akaya, Vajudha va to langana kuwukela Paulo, ve mteka, ve mu yisa dibanzani,

Johani 3:36

Awu a kholwako ka Mwanana, a ni wutomi wo mbi guma. Awu asi engisiko Mwanana, kha na mbi wona wutomi, aniko kuhenya ka Txizimu ku txitimwi kwakwe.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 14:4

Vathu va didhoropa dile ve hambana: Vamwani va txi ema ni Vajudha, vamwani va txi emela Vapostoli.

Mithumo 14:5

Se vamatiko ni Vajudha ni tinduna tawe va to langana ku va mahela tshofu ni ku va balisela ngu marigwi.

1 Vatesalonika 2:14

Vanathu, anu mi ti mahile vaeteteli va mabanza a Txizimu ma ku Judheya, ngu ka Kristu Jesu; nguko na nanu mi xanisilwe ngu va ka kwanu, kufana ni vona va nga xanisiswa toneto ngu Vajudha.