Mithumo 14:18 - Bhiblia Yo Sawuleka

¹⁸ Hambiko va nga womba mapswi awa, kha ta va hehukela kutsimba dibutho ti to di si va maheli mhamba.

Mithumo 14:18 Referans Kwoze

Johani 6:15

Se ngako Jesu a di woni ti to va na nda ta kuta mu maha mfumeli, a to khukha, da wumbidi, ene ekha, e tsula mmangoni.

Genesisi 19:9

Aniko vona va mxamute va txi kha vona: “Khukha eho! M'thu wu a nga ta muwa kota muwuyi a lava ku ti maha mthethisi. Ti di ngeto, athu hi na maha kubiha ka hombe kwako kupinda ka vona.” Va to susumeta Loti ngu mtamo, ve tshuketa hafuhi ka ditimba kasiku ve di faya.

Genesisi 11:6

Se Mkoma a to womba, a txi khene: “Wonani, taku mbathu vamwevo, kambe votshe mba lidimi limwelo. Akuwa va nga khatisa tiya, txi walo txo va tandekisa kumaha txilo, ka totshe ti va ti lavako.

Matewu 13:15

Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Mithumo 14:19

Ti di mahile eto, ku to bwaka Vajudha va kuta ngu Antiyokiya ni Ikoniyo ve ta kujetela mabutho a vathu ti to ve balisela Paulo ngu marigwi, se ve mu ruruvisa ve mu yisa hahanze ka didhoropa, na va txi alakanya ti to a fite. Kambe ngako vagondiswa va di mu ranganyetile, a to wuka e wulela didhoropani.