Mithumo 14:17 - Bhiblia Yo Sawuleka

¹⁷ hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Mithumo 14:17 Referans Kwoze

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Jobe 5:10

Txa nisa nzuma txitimwi ka mafu, ni kuninga mati tithembweni.

Dhewuteronome 11:14

ni na wuyisa mati ka ditiko danu, a kuwa ngu mbimo yi yi lavekako, mati a wuxika ni mati a mbimo ya minyuko. Ngu toneto, u nga sikota kuelula fulaho yako, ni vhinya yako, ni mtona wako.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

Masalmo 145:9

Mkoma mbwamnene ka votshe; ni wumbilu wakwe wu dingana yotshe mithumo yakwe.

Dhewuteronome 28:12

Mkoma a na kutulela thomba yakwe ya yinene, i ku nzuma, kasi ku e nisa mati ngu mbimo ya kona amu ditikoni kwako, ni kukatekisa wotshe mthumo wa manza ako; awe u na txenekisa ka mifumo yotshe, aniko awe khu na mbi txeneka, txilo ka yona.

Levhi 26:4

sekoko ni na mi ninga mati a kuwa ngu mbimo ya kona; mafu ma na ninga timbewu ku txi pfuna, mindonga yi na ninga mihando yayingi.

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Jobe 37:6

Nguko ka hunguva txi kha txona: Wana ha mafuni; hambi ka matshutshelo, ni ka mati a hombe.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Jobe 36:31

Nguko txi lamula vathu ngu sona, kambe txa va ninga sakudya so tala.

Masalmo 4:7

U vekile litsako la hombe mbiluni kwangu kupinda la vale va tsakelako kupfuna ngu fulaho ni vhinya.

Isaya 40:21

Ina kha mi tizivi kani? Ina kha mi ti pfi kani? Mwendo kha ma ziviswa mhaka yiya makhatoni kani? Hambi kupima makhato a mafu kani?

Mithumo 14:18

Hambiko va nga womba mapswi awa, kha ta va hehukela kutsimba dibutho ti to di si va maheli mhamba.

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona: