Mithumo 14:11 - Bhiblia Yo Sawuleka

¹¹ Dibutho da vathu, ngako va di woni ti ti nga mahwa ngu Paulo, va to huwelela ngu lidimi la Txilikawoniya, va txi kha vona: “Sizimu si tekile tikhohe ta vathu, si txhikela kwathu!”

Mithumo 14:11 Referans Kwoze

Mithumo 28:6

Kasi vona va ti rinzela ku mu wona a txi simbela mwendo kufa kunukunuko. Msana ka kuverela mbimo yo lapha va si woni txilo txo hambana, txi txi mu humela, va to txitxa mawonelo, va txi kha vona: “M'thu wuwa i Njixizimu tximwani.”

Mithumo 8:10

Votshe va ti mu engisa, vavadotho ni vahombe, va txi kha vona: M'thu wuwa i mtamo wa Txizimu, atxi txi dhanwako ku i Wahombe.

Mithumo 12:22

Se vathu ve kwangula, va txi kha vona: “Dipswi diya nda Txizimu, hi nga da m'thu!”

Ezekhiyele 3:5

Nguko awe khu rumwi ka vathu va mawombawombelo o hambana, mwendo va lidimi lo karata, aniko ka nyumba ya ka Israyeli;

Mithumo 14:6

Vona, ngako va di ti zivile, va to thavela madhoropani ka Likawoniya, Listra ni Dherbhe ni ka maphambo a hafuhi.

Mithumo 14:12

Se Bharnabhasi va ti m'dhana ku i “Zewusi,” Paulo ene va txi i “Herme,” nguko ngene i nga ti mthangeli wa dipswi.