Mithumo 13:9 - Bhiblia Yo Sawuleka

⁹ Aniko Sawule, i ku ene Paulo, a di tate ngu Moya wo Sawuleka, a to mu wonisisa awule wa msalamusi,

Mithumo 13:9 Referans Kwoze

Mika 3:8

Kambe ngu ditshuri ani ni tate ngu mtamo wa Moya wa Mkoma, ni tate ngu mapimo amanene ni txixinya, kasi kuzivisa Jakobe wuhambunyeti wakwe, ni ka Israyeli txionho txakwe.

Mithumo 4:8

Sekoko Pedro, a di tate ngu Moya wo Sawuleka, a wombile kwawe, a txi khene: “Vafumeli va ditiko ni nanu madhota a ka Israyeli:

Mithumo 2:4

Votshe va to tala ngu Moya wo Sawuleka, se va to khata kuwombawomba tidimi ta tiphya, nga tiya Moya wu nga txi va ninga kuwombawombisa tona.

Mithumo 7:55

Aniko Sitefani, a di tate ngu Moya wo Sawuleka, a to gula maso e wona nzumani, e wona kuphatima ka Txizimu ni Jesu a nga ti emile txineneni ka txona;

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

Matewu 10:20

Nguko hi nga anu mi no womba-womba, aniko i Moya wa Tate wanu wu no womba-womba ngu nganu.”

Marku 8:25

Se a to engeta e sanzeka manza ka maso a dibhofu, se dona di to wona ta tinene, se di hanyiswa, di sikota kuwona sotshe kwati.