Mithumo 13:6 - Bhiblia Yo Sawuleka

⁶ Ngako va di tshawunyetile txotshe txitondolo ve hoka Pafo, koneyo va to ya mana Mujudha wokari, i nga ti msalamusi ni mprofeti wa makuhu, awu a nga ti dhanwa ku i Bhari-Jesu.

Mithumo 13:6 Referans Kwoze

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

2 Vakorinto 11:13

Vathu vo ngeto mbapostoli va makuhu, nzithumi so kanganyisa. Va ambala madhowo o zama ku ti maha vapostoli va Kristu.

Marku 10:46

Va to hoka Jeriko. Se ngako Jesu a txi huma ngu Jeriko ni vagondiswa vakwe ni dibutho da vathu votala, Bhartimewu, mwanana wa Timewu, awu i nga ti dibhofu da kuzumba ha nzila a txi kombela,

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.

Eksodha 22:18

U nga leke mloyi wa wamsikati a txi hanya.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

Levhi 20:6

Ngako m'thu wokari a txi tutumela ka vanyamsoro ni ka vanyatixolo, e ti ningetetela ka vona, asi khatali ngu wukhongeli, ni na mronolela ngu maso angu, ni mfuvisa hagari ka va ka kwawe.

Mithumo 13:8

Kambe Elima, msalamusi, ngu toneto di wombako ditina dakwe ngako di txi txhamuselwa, a to mu tsimba, e zama kutimeta nganakana ti to yi si kholwi.

Mithumo 13:13

Paulo ni va a nga ti navo, va to khukha Pafo ngu txitimela, veya hoka Perga ka Panfiliya. Aniko Johani a to va leka e tshumelela Jerusalema.