Mithumo 13:48 - Bhiblia Yo Sawuleka

⁴⁸ Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Mithumo 13:48 Referans Kwoze

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

Varoma 11:7

Se hi na txani kani? Atxi Israyeli a nga ti txi lava, kha txi mana, kambe ava va nga sawulwa va txi mani; kasi vamwani va bangisilwe timbilu.

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Johani 11:52

Na i si nga kufela ditiko donari, aniko kumweko ni kusengeleta mpatanoni vanana va Txizimu, va nga hangalaka.

Vaefesu 1:19

mi ziva kambe tito, kwathu makholwa, mbwa hombe ngutu mtamo wa txona, nyala ni mtamo wa Txona wa hombe,

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Mithumo 22:10

Sekoko ni tshumela ni txi khani: ‘Nji txani ni fanelako ku txi maha kani, Mkoma kani?’ Se Mkoma a to khene: ‘Khukha u txi tsula Dhamasku. Eho u na ya gelwa ti u fanelako ku ti thuma.’

Luka 7:8

Nguko ani ni ku m'thu wo fumwa ngu vamwani, nina ni masotxhwa, aawa nani ni ma fumako. Ngako ni txi gela dimwedo ka ona, ni txi khani: ‘Tsula’, dona da tsula; ka dimwani, ni txi khani: ‘Ngono kheno’, da ta, ka txithumi txangu, ni txi khani: ‘Thuma tiya’ txa ti maha.”

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Mithumo 28:23

Ngako va di mu vekete ditshiku, va to ta nyumbani kwakwe, i di vangi. Ka mapswi a kutxhamusela kwakwe, Paulo a ti fakaza ngu ta Mfumo wa Txizimu se kukhukhela ha mixo kala minova, a txi zama ku va kholwisa ngu ta Jesu, a txi va dinganisela ngu Mlayo wa Mosi ni Vaprofeti.

Mithumo 2:47

Va txi dhumisa Txizimu, na va txi thembeka ka votshe vathu. Se ditshiku ni ditshiku, Mkoma a ti ti engetela mtengo wa vale va nga txi wulela nzilani ka kuhanyiswa.

Mithumo 20:13

Se athu hi to longoloka ngu mati, hi tsimbila ngu txitimela, kala Asosi, ahawa hi nga tshumela hi mana Paulo, awu a nga ti fanete kutsula koneyo, na a txi tsimbila ngu nzila ya hahanze, nga ti ene a nga ti ti lavisile tona.

Matewu 28:16

Vagondiswa va digumi ni mmweyo va to tsula Galileya, va txi ya mmangoni hawa Jesu a nga va leleta kona.

Masalmo 138:2

Ni na rendekela dithepeleni kwako ko sawuleka, kambe ni na bonga ditina dako, ngu mhaka ya lirando lako ni ditshuri dako; nguko u guletile dipswi dako txitimwi ka dotshe ditina dako.

2 Vatesalonika 3:1

Ngu kugwitisa, vanathu, hi khongeleleni, kasiku dipswi da Mkoma di txi ya masoni ngu kutxhumeyelwa ka otshe makhalo ngu kukuluveta, di txi amukelwa ngu txithavo kota nga ti di nga amukeliswa tona ngu nganu,

1 Vakorinto 16:15

Tximwani txileleto, vanathu, ngu txiya: Ma tiziva ti to vathu va nyumba ya ka, Stefani ngu vona i ku vo thanga ditikoni ka Akaya, avava kambe va nga ti ningela kasi kuthumela vasawuleki.

Mithumo 15:31

Ngako di di gondilwe, vathu va to tala ngutu ngu kutsaka ngu konaho ka mapswi a dona.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mithumo 13:42

Ngako Paulo ni Bharnabhasi va txi huma ngu disinagogani, vathu va to kombela ti to ka Sabbata yi yi tako ve va gondisa kambe timhaketo.

Mithumo 8:8

Se ngu kota yeto, ku to tala ngu litsako la hombe didhoropani muleya.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Mithumo 13:12

Sekoko nganakana, ngako yi di woni ti ti nga humelela, yi to kholwa, nguko gondo ya Mkoma yi ti mu xamalisile ngutu.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Vaefesu 1:5

Ngu txona Txizimu txi nga hi sikela ngu kale ti to hi na maha vanana va txona, va mafuyiwa, ngu Jesu Kristu, ngu wunene wa kuranda ka txona,

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,