Mithumo 13:47 - Bhiblia Yo Sawuleka

⁴⁷ Nguko Mkoma a hi rumisile toneto, a txi khene: ‘Ni kuvekile kuva liwoningo ka vamatiko, kasi ku uva wo hanyisa kala magwito ka mafu.’ ”

Mithumo 13:47 Referans Kwoze

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Isaya 42:6

Ani Mkoma ni ku dhani ngu kululama, kambe ni na kuñola ngu dianza, ni na kuxayisa; ni na kuningela uva txitumelelano txa vathu, ni kuva liwoningo ka vamatiko;

Luka 2:32

I ku liwoningo la kuwoninga matiko ni txipfaliso txa kudhumisa vathu vako va ka Israyeli.”

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Amosi 9:12

kasi kuve mana asi si nga sala ka ditiko da Edhomi, ni otshe matiko ale ma dhanwako ngu ditina dangu, kuwomba Mkoma, a mahako timhaka tiya.

Isaya 60:3

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Mithumo 26:23

ti to Kristu a na xaniswa, ni tito, ngukuva a di thangile ene e wuka ka vakufa, a fanete kunuwela liwoningo ka vathu va ditiko diya ni ka vamatiko.”

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.