Mithumo 13:40 - Bhiblia Yo Sawuleka

⁴⁰ Ngu konaho, ti woneleni kasiku ti si mi humeleli ati ti nga wombwa ngu vaprofeti, tito:

Mithumo 13:40 Referans Kwoze

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Habhakuki 1:5

Wonani hagari ka matiko, mi wonisisa, mi tsaka, mi xamala; nguko na maha ka masiku anu, mthumo wu anu mi no mbi wukholwa, mbimo yile mi no txhamuselwa.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Isaya 29:14

Wona taku, ni na simama ni maha mthumo wo xamalisa hagari ka vathu vava; i ku mthumo wo xamalisa, kambe wo thisa, nguko wutxhari wa titxhari tawe, wu na fuva, ni mapimo a vathu vawe vo ziva, wu na sisala.

Ezekhiyele 33:9

Se ngako awe u di wombile kasi ku hambukisa m'bihi ka nzila yakwe, ku a txi hunduluka ka yona, se ene asi hunduluki ka nzila yakwe, a na fa ka wubihi wakwe, aniko awe u hulukisile muhefemulo wako.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

Mithumo 7:42

Aniko Txizimu txi to va tshuralela txi va ningeta kukhozelani ka sikwata sa tiyimbi sa nzuma, nga ti ti nga bhalwa dibhukuni ka Vaprofeti, va txi khene: Anu va nyumba ya ka Israyeli, ina mi ni mahete magandelo ni timhamba txiwulani, mndani ka malembe a mune wa magumi kani?

Mithumo 15:15

Atiya ta londiselana ni mapswi a Vaprofeti, nguko ti bhatwe, va txi kha vona: