Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”
Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,
ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.
Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”
“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.
Txizimu txi tatisile txithembiso txiya kwathu, vanana vawe, ngu kuwusa Jesu, nga ti ti nga bhaliswa tona amu ka dibhuku da Masalmo, va txi kha vona: ‘Awe u mwanana wangu, ni ku velekile nyamsi.’ ”
“Ati to Txizimu txi mwusile ka vakufa, ni ti to ene kha na mbi ngadi e tshumelela kusinani, txona Txizimu txi ti wombile toneto ngako txi txi womba tiya: ‘Ni na mi ninga makatekwa o sawuleka, o tsana, ayawa ma nga thembiswa ka Dhavhidha.’
