Mithumo 13:3 - Bhiblia Yo Sawuleka

³ Sekoko ngako va di gwitile kutitona sakudya ni kukhongela, va to va sanzeka manza ve va ruma.

Mithumo 13:3 Referans Kwoze

Mithumo 6:6

Va to va emisa masoni ka Vapostoli, se vona ve va mahela mikombelo ni ku va sanzeka manza.

2 Timoti 2:2

Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

3 Johani 1:8

Ngu konaho, hi fanete ku va amukela vathuvo, kasi ku hi thumisana navo amu ka ditshuri.

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

Varoma 10:15

Va na txhumayelisa kutxani, ngako va sa rumwa kani? Nga ti ti nga bhalwa taku: “Eto yi nga tshurisa tona mikondo ya vale va txhumayelako mahungu amanene!”

Mithumo 14:26

Va txi khukhela koneyo, va to tsula ngu txitimela va txi ya Antiyokiya, ahawa va nga khatela kona, na va txi themba kateko ya Txizimu, ka mthumo wule va nga gwita ku wu maha.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Mitengo 27:23

Se txitimwi kwakwe, a to sanzeka manza, e mninga mlayo, nga ti Mkoma a nga leletisa tona, ngu dianza da Mosi.

2 Timoti 1:6

Ngu konaho, na ku layetela ti to u txi wuseta txihiwa txa Txizimu, atxi u nga ningwa ngu kuwa ni nga kusanzeka manza angu.

Mithumo 15:40

Paulo nene a to sawula Silasi e khukha, na vanawe va di mu navelete makatekwa a Mkoma.

3 Johani 1:6

Vona va fakazile lirando lako masoni ka dibanza. U na va u txi maha ta tinene, ngako u txi va longela sa nzila ngu tifanelo ti ti tsakisako Txizimu,

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

Mithumo 13:4

Vona ngako va di rumilwe ngu Moya wo Sawuleka, va to kwitima veya Selewukiya, se ngu koneyo va ti ya txhatuka ngu txitimela veya Kipra.