Mithumo 13:29 - Bhiblia Yo Sawuleka

²⁹ Ngako va di hetile totshe timhaka ti ti nga bhalelwa ene, va to mu hawula ha phandeni ve mu tshotsha diyivani.

Mithumo 13:29 Referans Kwoze

Luka 23:53

A to ya wu hawula, a txi wu phutela amu ka dilasori, a txi wu veka diyivani, di nga ti ketwe ha dirigwini, amuwa ku nga sanzi kutshotshwa m'thu.

Johani 19:30

Ngako Jesu a di amukete vhinagre yile, a to khene: “Totshe ti hetisekile.” Se e namisa msungo e ningela moya.

Johani 19:28

Msana ka tiya, ngako Jesu a di woni ti to totshelele ti gumile, ni kufela kambe ku na tatiseka dipswi da Mibhalo, a to khene: “Nina ni ditora.”

1 Vakorinto 15:4

A keletwe, e tshumela e wuka ngu ditshiku da wuraru, nga ti yi wombako yona Mibhalo.

Mithumo 5:30

Txizimu txa vatate vathu txi wusile Jesu, awule anu mi nga m'daya, ngu ku mu hayeka ha phandeni.

Luka 24:44

Se a txi va gela ku khene: “Ngu ona mapswi awa ni nga mi gela, ni di ngadi ni nanu: ‘Ta ku khani ti ni fanelo ya kutatiseka totshe ti ti nga bhalelwa ani dibhukuni ka Mlayo wa Mosi ni ka Vaprofeti ni mu ka Masalmo.’ ”

Mithumo 13:27

Nguko ava va nga aka ditikoni ka Jerusalema, ni vathangeli vawe, ngako va nga mbi ti lava ku m'ziva Jesu, va mu abanisile, ve ninga kutatiseka ka mapswi a vaprofeti, aawa ma gondwako Sabbata ni Sabbata.

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Marku 15:42

Mbimo yi ditambo di nga txi ya kuswani, ka ditshiku da kulongisela, ati ti wombako ditshiku di di gametwako ngu Sabbata,

Luka 23:50

Ku ti ti ho wamwamna, a nga ti dhanwa ku i Josefa, i nga ti txihango txa Dibanza, m'thu wamnene, na a di lulamile,

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,