Mithumo 13:26 - Bhiblia Yo Sawuleka

²⁶ “Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Mithumo 13:26 Referans Kwoze

Vakolosa 1:5

ngu mhaka ya kuthemba ku mi nga vekelwa kona nzumani, kuthemba ku mi nga ziviswa kona ngu dipswi da ditshuri, i ku Evhangeli,

Vaefesu 1:13

Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Luka 1:77

Kasi kuzivisa kuhanyiswa ka vathu vakwe ni kudivalelwa ka sionho.

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Mithumo 13:43

Ku ti ngako msengeletano wu di hangalakile, Vajudha vavangi ni valondeteli va va thavako Txizimu, va to londisa Paulo ni Bharnabhasi; vona, ngu mabhulo awe navo, va to va khongotela kasiku ve simama kuhanya amu ka kateko ya Txizimu.

Mithumo 10:35

Kambe ka dihi ni dihi ditiko, awule a txi thavako ni kumaha to lulama wa sikota kuamukelwa ngu txona.

Mithumo 5:20

“Tsulani Dithepeleni, mi txi ya gela vathu timhaka tiya totshe ta wutomi wa wuphya.”

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Matewu 10:6

Kukhata tsulani ka tinvuta ti ti nga hangalaka ta Nyumba ya ka Israyeli.

Matewu 3:9

mi nga ti kanganyiseni mi txi khanu: ‘Hi ni tate wathu Abrahamu’, nguko na mi gela ti to Txizimu txa sikota kuhindula marigwi awa ma txi maha vanana va Abrahamu.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Masalmo 105:6

Anu vanana va Abrahamu, txithumi txakwe, ni nanu vanana va Jakobe, msawulwa wakwe.

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

2 Makronika 20:7

Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

Johani 6:68

Simoni Pedro a to angula a txi khene: “Hi na ya ka mani kani Mkoma kani? Awe ngawe u ku ni mapswi a wutomi wo mbi guma.

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Mithumo 22:5

Mphaxeli wa hombe ni dotshe dibanza da madhota va sikota ku ni fakazela; se vona va ni ningile mapapilo awa va nga bhalela vanathu va Dhamasku. Se ani ni tsute koneyo kasi kuya va wuyisa Jerusalema va di sungilwe ngu tingomondo kufela ku ta tsayiselwa kheno.”