Mithumo 13:22 - Bhiblia Yo Sawuleka

²² Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

Mithumo 13:22 Referans Kwoze

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Samuwele 15:28

Sekoko Samuwele a to m'gela ku khene: Nyamsi Mkoma a vharute mfumo wa ka Israyeli manzani kwako, se wu ningela ka mwakelani wako, wa tshuko kupinda awe.

1 Samuwele 15:26

Kambe Samuwele a to khene ka Sawule: Kha ni na mbi tshumela ni nawe; nga kule u nga lamba dipswi da Mkoma, nene Mkoma a ku lambile, kasiku u si mahi mfumeli txitimwi ka Israyeli.

Mithumo 7:46

ene Dhavhidha a mani kukateka masoni ka Txizimu, se e kombela dithomo do akela nyumba Txizimu txa Jakobe.

1 Vafumeli 15:3

Se a to tsimbila ngu sionho sile, tate wakwe a nga ti si mahile kukhatani; kambe mbilu yakwe yi sa basa masoni ka Mkoma, Txizimu txakwe, ku nga mbilu ya tate wakwe Dhavhidha.

2 Samuwele 7:8

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli.

2 Samuwele 2:4

Sekoko vavamna va ka Judha va to ta koneho ve ta tota Dhavhidha kuva mfumeli, txitimwi ka nyumba ya ka Judha. Se va to zivisa Dhavhidha va txi kha vona: Vavamna va Jebhesi-Gileyadhi ngu vona va nga tshotsha Sawule.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Mithumo 15:8

Se Txizimu txi zivako timbilu ta vathu txi va mahete wufakazi, ngu kuvaninga Moya wo Sawuleka nga ti txi nga hi ningisa tona nathu.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

2 Samuwele 7:15

Kambe wunene wangu wu na mbi khukha kwakwe, ku nga kule ni nga wu thavisa ka Sawule, awule ni nga mthavisa masoni kwako.

1 Samuwele 31:6

Ngu kumaha keto, Sawule a to fa ni vanana vakwe va vararu, ni mrwali wa matxhari akwe, ni votshe vathu vakwe va to fa kumweko nayo ka dona ditshiku dile.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

1 Samuwele 12:25

Kambe ngako mi txi ya masoni ngu kumaha to biha, anu ni mfumeli wanu mi na lova.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

Jeremiya 33:21

se txitumelelano txangu ni Dhavhidha, txithumi txangu, txi nga funyeka, ti taku asi nja ngave ni mwanana wo fuma txituluni kwakwe ka wukoma; kumweko ni Valevhi i ku vaphaxeli va va ni thumelako.

1 Samuwele 28:16

Sekoko Samuwele a to khene: Se u ni wotisela txani na wu txi ti wona taku Mkoma a ku lekile, ni ti to a mahile mlala wako kani?

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

1 Makronika 2:12

se Bhowazi a to veleka Obhedhi, se Obhedhi a to veleka Jese;