Mithumo 13:21 - Bhiblia Yo Sawuleka

²¹ Msana keto, va to kombela mfumeli; se Txizimu txi va ninga Sawule, mwana Kixi, wa lihunzu la Bhenjamini, awu a nga fuma mune wa magumi a malembe.

Mithumo 13:21 Referans Kwoze

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

1 Samuwele 15:1

Sekoko Samuwele a to khene ka Sawule: Mkoma a ni rumile ku ta kutota kuva mfumeli txitimwi ka vathu vakwe, i ku va ka Israyeli; Konkuwa koko, engisa dipswi da mahungu a Mkoma.

1 Samuwele 11:15

Se vathu votshe va to khukha veya Giligali, veya simeka Sawule ku va mfumeli masoni ka Mkoma kona Giligali, kambe va to ningela mningelo wa kudikha masoni ka Mkoma; Sawule ni votshe vavamna va ka Israyeli va to tsaka ngutu koneyo.

1 Samuwele 8:5

se va txi kha vona kwakwe: Wona taku se u kumbile, kambe vanana vako kha va tsimbile ngu tinzila tako; hi emisele mfumeli koko, konkuwa, kasiku ene a na hi lamula, kufana ni kule otshe matiko ma ku ni vafumeli.

1 Samuwele 9:1

Se ku ti ti ni wamwamna wa ka Bhenjamini, wule ditina dakwe i nga ti ti Kisi, mwana Abhiyeli, mwana Zerori, mwana Bhekorati, mwana Afiya, mwanana wawamwamna wokari wa ka Bhenjamini, wamwamna wa mtamo.

1 Samuwele 9:15

Nguko nyamnova ka kona, na Sawule a sanzi kuhoka, Mkoma a to zivisa Samuwele, a txi khene: