Mithumo 13:19 - Bhiblia Yo Sawuleka

¹⁹ Ngako txi di fuvisile mtxhanu wa mifumo ni yimbidi ditikoni ka Kanana, txi to va ninga ditiko dile, di maha thomba yawe,

Mithumo 13:19 Referans Kwoze

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Mithumo 7:45

ditenda diya, ngako vatate vathu va di di amukete, va to wulela nado, na va txi thangelwa ngu Joxuwa, ka ditiko da vamatiko, avava Txizimu txi nga ti va tovete, masoni ka vatate vathu; dona di zumbile konaho kala kuhoka masiku a Dhavhidha,

Joxuwa 19:51

Aawa ngu ona matiko a thomba yi Eleyazari mphaxeli ni Joxuwa, mwana Nune, ni vathangeli va tihunzu ta vanana va ka Israyeli, va nga abanelana ngu kuxaxuva, aniya Silo, masoni ka Mkoma, ha txikeni ka ditenda da msengeletano. Ngu tiya va nga gwitisa tona ku abanelana ka ditiko.

Joxuwa 14:1

Atiya koko ngu tona tithomba ti vanana va ka Israyeli, va nga ningwa ditikoni ka Kanana. Eleyazari, mphaxeli, ni Joxuwa, mwana Nune, ni vathangeli va tihunzu ta vanana va ka Israyeli, va nga va abanisela.

Masalmo 135:11

Seyoni, mfumeli wa Vaamori, ni Oge, mfumeli wa Bhasani, ni votshe vafumeli Vakanana.

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.

Joxuwa 23:4

Wonani, ani ni mi abanisete, madingano ni dikato da lihunzu ni lihunzu, otshe matiko awa ma nga sala ni otshe matiko awa ni nga ma khozisa, kukhukhela Jordhani kala ka Linene la Hombe, mswa-ditambo.

Joxuwa 18:10

Sekoko Joxuwa a to va xaxuvela tixolo kona Silo, masoni ka Mkoma, se a txi abanisela ditiko ka vanana va ka Israyeli, madingano ni timwaya tawe.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Genesisi 12:5

Abramu a to teka Sarayi msikati wakwe, ni Loti mwanana wa mwanawe, ni thomba yotshe yi va nga ti ti nayo, ni sithumi si va nga ti si mani ditikoni ka Harani, va txi khukha ve tsula ditikoni ka Kanana, kala va txi ya hoka ditikoni ka Kanana.

Valamuli 11:26

Ku na ni 300 wa malembe, na va ka Israyeli va di akile kona Hesibhoni ni sidhoropanani ka kona, Aroweri ni sidhoropanani ka kona, ni ka otshe madhoropa awa ma ku mabambe ka mnambo wa Arinoni. Ngu kutxani u nga mbi mtekela otshe matiko awa mndani ka ona malembe awa kani?

1 Vafumeli 6:1

Ti mahekile tito, ngu dilembe da 480, msana ka kuva vanana va ka Israyeli va di humile ngu Egipta, ka dilembe da wumune Solomoni a txi fumela Israyeli, ka mtxima wa zive (awuwa mtxima wa wumbidi), Solomoni a to khata kuaka Nyumba ya Mkoma.

Isaya 34:17

Nguko ene apune a xaxuvile tixolo, ni dianza dakwe di si abanisete ditiko ngu ngoti; si na di fumela yotshe mbimo, ku na zumba liveleko ni liveleko ka dona.