Mithumo 13:17 - Bhiblia Yo Sawuleka

¹⁷ Txizimu txa ditiko diya dathu va ka Israyeli, txi sawute vatate vathu, txi va guleta vathu vava, va di ngadi ditikoni ka Egipta.

Mithumo 13:17 Referans Kwoze

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Amosi 2:10

Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.

Isaya 44:1

Konkuwa koko, engisa awe Jakobe, txithumi txangu, ni nawe Israyeli, awe ni nga kusawula.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

1 Samuwele 4:8

Dikhombo kwathu! I mani a no hi txhatxhisa manzani ka sizimu siya sa hombe kani? Asiya ngu sona sizimu si si nga xasela Vaegipta, ngu yotshe mitungu txiwulani.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Dhewuteronome 10:22

Vakale vako i ti mtxhanu wa magumi ni mambidi dwe, mbimo yile va nga wulela ditikoni ka Egipta, konkuwa Mkoma, Txizimu txako, a ku andisile u txi tala nga tinyeleti ta nzumani.”

Dhewuteronome 9:5

Hi nga ngu mhaka ya kululama kwako, kambe hi nga ngu mhaka ya wunene wa mbilu yako, aku u ngaza u wulela, u teka ditiko dawe, aniko Mkoma a tutumisa matiko awa masoni kwako, ngu mhaka ya kubiha ka ona; ni ti to a maha tiya, kasi kutsanisa dipswi di ene a nga xambanya ka vatate vako, Abrahamu, Isaake, ni Jakobe.

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Dhewuteronome 4:20

Aniko, Mkoma a mi tekile e mi humisa ditikoni ka Egipta, ka txikho txa tisimbi, kasi ku miva vathu va mi kuthomba yakwe, ku nga ti nyamsi mi ti wonako.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 13:16

Nguko eto ti nava i di txikombiso kwako, i di txialakanyiso ha mbanza kwanu, nguko Mkoma a hi thavisile ditikoni ka Egipta ngu mtamo wakwe wa hombe.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.