Mithumo 13:16 - Bhiblia Yo Sawuleka

¹⁶ Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Mithumo 13:16 Referans Kwoze

Mithumo 12:17

Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Mtuletelo 2:29

Awule a ku ni tinzeve, a na engise ati Moya wu embelako Mabanza.”

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Mithumo 22:22

Vona va to ya masoni ngu ku mu engisa kala ka mapswi awa, aniko ngu msana va to gula dipswi, va txi kha vona: “A na fuviswe ha mafuni mamoyo! Kha nga ni fanelo ya kuhanya!”

Mithumo 21:40

Ngako a di tumeletwe, Paulo, a di emile txitimwi ka dinera, a to malata vathu ngu diwoko. Vona ve malala ku txi katila. Se ene a txi va txhumayela, a txi khene:

Mithumo 19:33

Sekoko va to humisa Alexandre ngu hagari ka dibutho, awu a nga ti gondisilwe ngu kale, a txi susumetelwa masoni ngu Vajudha. Alexandre a to guleta diwoko na a txi kombisa ti to a lava kutxhamusela mhaka ka dibutho.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Mithumo 10:35

Kambe ka dihi ni dihi ditiko, awule a txi thavako ni kumaha to lulama wa sikota kuamukelwa ngu txona.

Mithumo 3:12

Ku ti ngako Pedro a txi wona tiya, a to gela vathu, a txi khene: “Vavamna va Israyeli, mi xamalela txani mhaka yiya kani? Mwendo mi hi ronolela ngu txani, mi txi nga hi to mu tsimbilisa m'thu wuwa ngu mtamo wathu, mwendo ngu wukhongeli wathu, kani?”

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Mithumo 2:14

Kambe Pedro a to ema ni va va Digumi ni mmweyo, e guleta dipswi, e va gela, a txi khene: “Vavamna va Judheya, ni nanu motshenu vaaki va Jerusalema, ti ziveni ta tinene timhaka tiya, mi engisa kha kwati mapswi angu:

Luka 1:50

Ni wumbilu wakwe wu tshanganile ka liveleko ni liveleko la vale va mthavako.

Matewu 11:15

Awu a ku ni tinzeve to engisa a na engise!”

Masalmo 135:20

Anu Nyumba ya ka Levhi, bongani Mkoma! Anu mi thavako Mkoma bongani Mkoma!

Masalmo 85:9

Kha ditshuri kuhanyisa kwakwe ku hafuhi ka vale va m'thavako ni wudhumo wakwe wu na aka ditikoni kwathu.

Masalmo 67:7

Txizimu txi na hi katekise! Mafu otshe ma na txi thave!

1 Vafumeli 8:40

Kasi veva ni txithavo otshe masiku aawa va no hanya, ka mafu ya u nga ninga vatate vathu.

Luka 23:40

Aniko awule mmwani a to teka dipswi a txi mu kawuka, a txi khene: “Khu xoniphi Txizimu, hambiko nawe u manekako u di kona kuabaniswani kumweko nayo, kani?

Luka 1:22

Mbimo yi a nga huma, a to tandeka kuwombawomba navo, se vona ve tiziva ti to a woni txiwoniso Dithepeleni. A ti ko maha ngu kuxungametela, e zumba i di txiduma.