Mithumo 13:14 - Bhiblia Yo Sawuleka

¹⁴ Vona va to tshawunyeta ve pinda Perga, ve tsimbila veya hoka Antiyokiya ka Pisidhiya. Ngu ditshiku da Sabbata va to wulela disinagogani ve khalahatsha.

Mithumo 13:14 Referans Kwoze

Mithumo 16:13

Ngu ditshiku da Sabbata, hi to huma ngu didhoropani hi ya mnamboni, ahawa hi nga pimisa ti to ku nga va ni wukhalo wo khongela kona. Ngako hi di khalahatshile, hi to womba-womba ni vavasikati, va nga ti sengeletani konaho.

Mithumo 17:2

Se Paulo, ngako i ku toloveto yakwe, ati ya tshangana navo konemo, a txi heta Masabbata mararu, a txi bhulisana navo, ngu Mibhalo.

Mithumo 14:19

Ti di mahile eto, ku to bwaka Vajudha va kuta ngu Antiyokiya ni Ikoniyo ve ta kujetela mabutho a vathu ti to ve balisela Paulo ngu marigwi, se ve mu ruruvisa ve mu yisa hahanze ka didhoropa, na va txi alakanya ti to a fite. Kambe ngako vagondiswa va di mu ranganyetile, a to wuka e wulela didhoropani.

Mithumo 13:5

Ngako va di hokile Salamina, va to ya txhumayela dipswi da Txizimu masinagogani ka Vajudha. Va ti ni Johani, m'vhuneteli wawe.

Mithumo 18:4

Se ngu otshe masiku a Masabbata a ti womba-womba disinagogani e kholwisa Vajudha ni Vagriki.

Mithumo 19:8

Paulo a to wulela disinagogani, se e heta mitxima yiraru, a txi womba-womba ngu kutsana timhaka ta Mfumo wa Txizimu, a txi zama kukholwisa avale va nga ti mu engisa.

Mithumo 13:44

Ngu ditshiku da Sabbata yi yi gametako, votshe vathu va didhoropa, kuleka ngu vavadotho, va to tshangana kasi kuya engisa dipswi da Txizimu.

Mithumo 13:42

Ngako Paulo ni Bharnabhasi va txi huma ngu disinagogani, vathu va to kombela ti to ka Sabbata yi yi tako ve va gondisa kambe timhaketo.

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Luka 4:16

Ene a to tsula Nazareta, ahawa a nga kulela kona, se ngu toloveto yakwe, a to wulela disinagogani ngu ditshiku da Sabbata, se a txi khukha a txi ema kasi kugonda dibhuku.

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

2 Timoti 3:11

amu ka sixaniso, ni kuxupheka kuwa ni nga kuziva ni di Antiyokiya, Ikoniyo, ni Listra. Eso sixaniso ni nga si wona! Kambe Mkoma a ni ponisile ka sotshe.