Mithumo 13:12 - Bhiblia Yo Sawuleka

¹² Sekoko nganakana, ngako yi di woni ti ti nga humelela, yi to kholwa, nguko gondo ya Mkoma yi ti mu xamalisile ngutu.

Mithumo 13:12 Referans Kwoze

Mithumo 13:7

Ene a ti lumba m'ti wa nganakana Sergiyo Paulo, wamwamna wo ziva, awu a nga dhana Bharnabhasi ni Sawule, ngu kunavela kuengisa dipswi da Txizimu.

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Mithumo 28:7

Ku ti ti ho kona hale hafuhi, thembwe ya mthangeli wa txitondolo, a nga ti dhanwa ku i Publiyo. Ene a to hi amukela, a txi hi ninga wukhalo wa kuzumba masiku mararu.

Mithumo 19:7

Vavamna vava va ti lava kuva digumi ni vambidi.

Mithumo 15:35

Ani Paulo ni Bharnabhasi, evo va sate Antiyokiya. Se va di patani ni vamwani votala, va ti gondisa ni kunuwela Mahungu a Manene a dipswi da Mkoma.

Mithumo 13:49

Ngu kota yeto, dipswi da Mkoma di to hangalaka ka dotshe ditiko dile.

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Matewu 27:54

Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Mithumo 8:25

Pedro ni Johani, va di mahile wufakazi ni kunuwela dipswi da Mkoma, va to tshumelela Jerusalema, na va txi txhumayela Evhangeli ka yotshe miti ya Vasamariya.

Mithumo 13:8

Kambe Elima, msalamusi, ngu toneto di wombako ditina dakwe ngako di txi txhamuselwa, a to mu tsimba, e zama kutimeta nganakana ti to yi si kholwi.

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Mithumo 15:36

Ngako ku di pindile masiku okari, Paulo a to gela Bharnabhasi, a txi khene: “He tshumele hi ya xola vanathu kotshe madhoropani mu hi nga nuwela dipswi da Mkoma, kasi kuwona ati va hanyisako tona.”

Mithumo 18:12

Mbimo yi Galiyo i nga ti muemeli wa wukoma ditikoni ka Akaya, Vajudha va to langana kuwukela Paulo, ve mteka, ve mu yisa dibanzani,

Mithumo 19:10

Timhaka tiya ti tsimbitisile tonatiya kala kuguma malembe mambidi; ahawa va nga za ve kholwa votshe vathu va Aziya, Vajudha ni Vagriki, ngu kupfa dipswi da Mkoma.

Mithumo 19:20

Ngu toneto, Dipswi da Mkoma di ti anda ni kutsaniswa ngu mtamo wa hombe.

Mithumo 19:38

“Ngu konaho, ngako Dhemetriyo ni vatshuli-kulowe, va ku nayo, va di ni txikhalo ni mmwani m'thu, ku ni masiku a dibanza da votshe vathu, kumweko ni vaemeli va wukoma; va nate va ta xuxisana ha banzani.