Mithumo 13:11 - Bhiblia Yo Sawuleka

¹¹ Wona, konkuwa diwoko da Mkoma di txitimwi kwako. U na maha dibhofu, se ngu mbimo yokari, khu na mbi ngadi u txi wona ditambo.” Kunukunuko, kuphuma ni txidema si to mu khubhunyeta; se e tenderukela e lava wo mu ñoleta ngu diwoko.

Mithumo 13:11 Referans Kwoze

Masalmo 32:4

Nguko wusiku ni mitshikari dianza dako di ti ti ni nemela; Ni hisilwe ngu lisani nga tximilwa txa malanga.

Eksodha 9:3

wona taku dianza da Mkoma di na peka mitxhambi yi yi ku bhuwani, ni mahantxhi, ni timbongola, ni makamelu, ni tihomu ni tinvuta, ngu mtungu wa hombe ngutu.

Vahebheru 10:31

Ta thisa ngutu kuwela manzani ka Txizimu txi txi hanyako.

1 Samuwele 5:11

Se va to rumela vathu kuya sengeleta votshe vatahngeli va Vafilista, va txi kha vona: Tshumetani dibhokiso da Txizimu txa ka Israyeli ka wukhalo wa dona, kasiku di si hi dayi athu hambi va kakwathu. Nguko ka dotshe didhoropa ku ti ni kukarateka ko thava kufa, kambe dianza da Txizimu di nemelete ngutu koneho.

2 Pedro 2:17

Vathu vava va fana ni sisima so mbina mati, ni marefu awa ma susumetwako ngu moya wa txihuhuri. Se txidema txa hombe ngutu txi va rinzete.

Johani 9:39

Konaho Jesu a to womba a txi khene: “Ani ni tete ku ta lamula ha ditikoni, kufela ku ava va si woniko ve mana kuwona, ani vale va wonako ve maha mabhofu.”

Jobe 19:21

Ni xanisekeleni anu vangana vangu, ni xanisekeleni, nguko dianza da Txizimu di ni gwesile.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Masalmo 38:2

U ni dayisile ngu tingove tako u txi ni wisa hahatshi.

2 Vafumeli 6:8

Se mfumeli wa Siriya a ti ti lwisa Israyeli; a to pimisana ni sithumi sakwe a txi khene: Ka wukhalo wule ni wule, ku nave ni wugovelo wangu.

1 Samuwele 5:9

Se ku to maheka ti taku, kukhukhela ka kule va nga ya horoloka nado, dianza da Mkoma di to wukela didhoropa dile, ngu sikarato sa hombe ngutu; nguko a to daya vathu va didhoropa dile, kukhukhela ka wam'dotho kala ka wa hombe; kambe va to pomelwa ngu sithunye mimidini kwawe.

Genesisi 19:11

se vavamna vale va nga ti ha txikeni ka nyumba, va to va tsayisa ngu wubhofu, kukhukhela ka vavadotho kala ka vahombe, ti to va si sikoti kuwona txike.