Mithumo 13:1 - Bhiblia Yo Sawuleka

¹ Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Mithumo 13:1 Referans Kwoze

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Mithumo 15:35

Ani Paulo ni Bharnabhasi, evo va sate Antiyokiya. Se va di patani ni vamwani votala, va ti gondisa ni kunuwela Mahungu a Manene a dipswi da Mkoma.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Mithumo 13:9

Aniko Sawule, i ku ene Paulo, a di tate ngu Moya wo Sawuleka, a to mu wonisisa awule wa msalamusi,

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Luka 3:1

Ngu dilembe da wugumi ni mtxhanu da kufuma ka Tibheriyo Khezari, na Ponsio Pilato i di mfumeli wa Judheya, Herodha i di mfumeli wa Galileya, Filipi mnanda wakwe i di mfumeli wa Itureya, ni wa ditiko da Trakonita, Lisaniya i di mfumeli wa Abhileni;

Vafilipiya 4:22

Vasawuleki votshe va mi dingula, ngutu-ngutu ava i ku va nyumba ya Khezari.

Vagalatiya 2:13

Vamwani Vajudha va to wulelelwa ngu wukanganyisi wakwe, ahawa koza Bharnabhasi nene e ndindwa ngu wona wukanganyisiwo.

1 Vakorinto 9:6

Mwendo ngani nokha ni Bharnabhasi hi ku si nga ni fanelo yo thuma, kani?

Varoma 16:21

Wa mi dingula Timoti, txithumi kulothu, ni Likiyusi ni Jasoni ni Sosipateri, maxaka angu.

Mithumo 21:9

Ene a ti ni mune wa vanana va sihoranana, ava va nga ti profeta.

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.

Mithumo 11:30

Kunene, va to mahisa toneto, ve si rumela ka madhota, ngu manza a Bharnabhasi ni Sawule.

1 Vatesalonika 5:20

Mi nga kanyiseni siprofeto.

Mithumo 12:25

Se Bharnabhasi ni Sawule, ngako va di hetile mthumo wawe, va to khukha Jerusalema, na va di ni Johani, awu a dhanwako ku i Marku.

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Matewu 27:32

Se va di humile, va to mana m'thu wa mwamna, wa Kirene, a nga ti dhanwa ku i Simoni, ve mu kurumeta kupakata txihambano txa Jesu.

1 Vakorinto 11:4

Wamwamna wuhi ni wuhi a khongelako mwendo a txhumayelako dipswi da Txizimu a di ambate txo ambala ha msungo, wo thavisa lisima msungo wakwe.

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

1 Vakorinto 13:8

Lirando kha li na mbi va ni magwito. Kutxhumayela dipswi ku na guma, tidimi ti na pinda, wuzivi wu na guma;

1 Vakorinto 14:29

I di vaprofeti, va na womba-wombe vambidi mwendo vararu, se vamwani va na lamule.

1 Vakorinto 14:32

Mimoya ya wuprofeti mi lamulwa ngu vaprofeti.