Mithumo 12:5 - Bhiblia Yo Sawuleka

⁵ Mbimo yi Pedro a nga ti seketwe mkorani, Dibanza di ti si humuli ku mu khongelela ka Txizimu.

Mithumo 12:5 Referans Kwoze

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

1 Vatesalonika 5:17

Khongelani mi si karali.

2 Vakorinto 1:11

Txizimu txi na hi vhuna ngu mtamo wa mikombelo yanu, kasiku kateko yi hi nga ningwa ngu mhaka ya kukombelelwa ngu vavangi, yi bongwa ngu vathu vavangi ditinani kwathu.

Matewu 18:19

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

Vahebheru 13:3

Alakanyani ava va nga khotelwa, mi txi nga mo va ku khotelwani kumweko navo. Alakanyani avale va xaniswako, nguko na nanu mina ni mmidi.

Mithumo 12:12

Se ngako ma di wuyile mapimo akwe, Pedro a to ya m'tini ka Mariya, mame wa Johani, awu a dhanwako ku i Marku, ahawa makholwa o talanyana ma nga ti sengeletani kona, ma txi khongela.

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Mithumo 12:4

Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Mithumo 12:6

Ku ti ngako Herodha a txi pimisa ku mu humisa masoni ka vathu, ni wusiku wa kona Pedro a ti otete hagari ka masotxhwa mambidi, na a di sungilwe ngu titxhini timbidi, na kambe ha txikeni ka mkora ku ti ni vawoneleti.