Mithumo 12:4 - Bhiblia Yo Sawuleka

⁴ Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Mithumo 12:4 Referans Kwoze

Luka 22:33

Ene a to womba a txi khene: “Mkoma ani ni ti longisete kutsula ku khotelwani kumweko ni nawe, hambi kuya kufani.”

Mavingu 19:21

Mbiluni ka m'thu ku ni timhaka tatingi, aniko txileleto txa Mkoma txi na zumba yotshe mbimo.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

Mithumo 4:3

Se va to va ñola ve va khotela mkorani kala mangwanani ka kona, nguko se di ti swite.

Johani 21:18

Ngu ditshuri, ngu ditshuri na kugela ku khani: Mbimo yi u nga ti mfana, ngawe upune u nga txi ti sunga libhande txiwununi, u txi ya muwa u nga txi kulava, aniko mbimo yi u no kumba, u na nawuluta manza ako, se mmwani ngene a no kusunga libhande, a txi kuyisa ni mu awe u si ku laviko.”

Matewu 26:5

Aniko va ti ti kha vona: “Ti nga mahwe tiya ha m'busoni, ku nga wuka mazunga hagari ka vathu.”

Matewu 24:9

“Sekoko va na mi ningela kuxaniswani ni kudawani, mi na vengelwa ngu votshe vathu, ngu mhaka ya ditina dangu.

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Esteri 3:13

Se mapapilo me rumelwa ngu dianza da sirumwa ka otshe matiko a mfumeli, kasi kuxasela ni kudayela votshe Vajudha, kukhukhela ka mfana kala ka txikosana, vanana ni vavasikati ngu ditshiku dimwedo, da digumi ni mararu ka mtxima wa wugumi ni yimbidi (i ku mtxima wa Adhari), ve handa ni tithomba ta kona.

Mithumo 8:3

Kambe Sawule a ti ti xasela dibanza e wulela tinyumbani e ruruvisa vavamna ni vavasikati eya va rinza mkorani.

Mithumo 5:18

ve ñola vapostoli ve va khotela mkorani ka didhoropa dile.

Johani 19:23

Masotxhwa ma di gwitile kubethela Jesu ha txihambanoni ma to teka syambalo sakwe, me si bhanda ngu mune wa madhawa; disotxhwa ni disotxhwa di txi mana txyavelo txa dona. Ma thavisile kumweko ni dibhaji. Se dibhaji diya i ti si nga do rungwa, i ti do lukelwa kukhukhela txitimwi kala hahatshi.

Sidilo 3:37

I mani wule a nga wombako ti txi maheka kani? Ngako i si nga Mkoma a wombako kani?

Eksodha 12:1

Ditikoni ka Egipta, Mkoma a wombile ka Mosi ni ka Aroni, a txi khene:

Marku 14:1

Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Mithumo 12:3

Ngako a txi wona ti to ti tsakisile Vajudha, a to engeta e ñola ni Pedro; i ti masiku a mapawu o mbi na mtshumbelo.

Mithumo 12:5

Mbimo yi Pedro a nga ti seketwe mkorani, Dibanza di ti si humuli ku mu khongelela ka Txizimu.