Mithumo 12:21 - Bhiblia Yo Sawuleka

²¹ Se ngu ditshiku di di nga sawulwa, Herodha a to ambala dibhaji da wukoma, e khalahatsha ha txikhaloni kwakwe ka wukoma, e womba-womba navo.

Mithumo 12:21 Referans Kwoze

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Mithumo 12:20

Herodha a ti ni txiviti ni vathu va Tiro ni Sidhoni, kambe vona va to langana ve ta kwakwe. Se ku ti ngako va di engisani ni Blasto mthangeli wa hombe wa mfumeli, va to kombela kudikha ka ditiko, nguko ditiko dawe di ti tshunzela ditikoni ka mfumeli.

Mithumo 12:22

Se vathu ve kwangula, va txi kha vona: “Dipswi diya nda Txizimu, hi nga da m'thu!”

1 Vafumeli 22:10

Se Akabe mfumeli wa Israyeli, ni Josafati mfumeli wa ka Judha, va ti khalahatshile, mmweyo ni mmweyo ha ka txitulu txa wukoma, va ti ambate syambalo sa wukoma, ha mthandani, txidingeni ka txike txa Samariya; se votshe vaprofeti va ti ti profeta masoni kwawe.

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

Malakiya 3:15

Sekoko athu hi wona kukateka ka va vo tikulisa; ni vale va mahako to biha va humelela, ina, vona va duka Mkoma, kambe va huluka.

Mithumo 24:1

Ngako ku di pindile mtxhanu wa masiku a to relela mphaxeli wa hombe Ananiya kumweko ni madhota okari, ni muemeli wu a dhanwako ku i Tertulo; se veya ka mfumeli kuya mangala Paulo;

Mithumo 25:23

Ngu mangwanani ka kona, Agripa ni Bhernike va to ta va di ambate sa wukoma wawe, ve tsula ha banza va di ni vathangeli va hombe va yimbi, ni madhota a hombe a didhoropa. Se Paulo e nehwa ngu kuruma ka Festo.