Mithumo 12:20 - Bhiblia Yo Sawuleka

²⁰ Herodha a ti ni txiviti ni vathu va Tiro ni Sidhoni, kambe vona va to langana ve ta kwakwe. Se ku ti ngako va di engisani ni Blasto mthangeli wa hombe wa mfumeli, va to kombela kudikha ka ditiko, nguko ditiko dawe di ti tshunzela ditikoni ka mfumeli.

Mithumo 12:20 Referans Kwoze

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

Ezekhiyele 27:17

Judha ni ditiko da Israyeli i ti ti vaxavi kwako, va fulaho yota ngu Miniti, ni mpupu, ni wulombe, ni mtona, ni sa kutola, va xaviselani ni nawe

Luka 16:8

Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

Mavingu 25:8

U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

2 Makronika 2:15

Konkuwa, nyamne wangu rumela fulaho ka sithumi sako, ni sevhadha, ni mafura ni vinya asi a nga womba-womba ngu sona.

2 Makronika 2:10

Se sithumi sako si si ku na wila mapulango, na si ninga 20.000 wa mimovha yo tala ngu fulaho yo hulwa, ni 20.000 wa mimovha yo tala ngu sevhadha, ni 20.000 wa mapipa a vhinyo, ni 20.000 wa mapipa o tala ngu mtona.

Joxuwa 19:29

Muhingano wuwa wu ti ti tshumela wuya Rama, kala ka didhoropa do tsana da Tiro; sekoko muhingano wuwa wu ti ti tshumela wuya Hosa, wu txi ya humela lineneni, kukhukhela ka txyavelo txatxidotho ya mafu, kala Akizibhe,

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Genesisi 10:15

Se Kanana a velekile Sidhoni, matiwula akwe, ngu msana e veleka Heti,

Mavingu 20:18

Otshe makungo ma tsaniswa ngu wusungukati; kambe yimbi yi tsimbitiswa ngu wusungukati wa wutxhari.

Mithumo 12:21

Se ngu ditshiku di di nga sawulwa, Herodha a to ambala dibhaji da wukoma, e khalahatsha ha txikhaloni kwakwe ka wukoma, e womba-womba navo.

Mithumo 21:3

Ngako hi di hokile ahawa ku wonekako Kipra, hi to txi pinda txitondolo txiya ngu didhawa ka txibhabha, hi tsula Siriya, hi txi ya hoka Tiro, nguko eyo ku ti ni siya si nga ti fanela kurulwa ngu txitimela.

Mithumo 21:7

Se athu, ngako hi di txhatukile, hi to pinda Tiro hi txi ya Pitolomayi, se msana ka kulosana ni vanathu, hi to zumba ditshiku dimwedo navo.