Mithumo 12:2 - Bhiblia Yo Sawuleka

² Se a to daya Jakobe, mwanawe Johani, ngu ditxhari.

Mithumo 12:2 Referans Kwoze

Vahebheru 11:37

Va fayetetwe ngu marigwi, ve sahwa ngu masaho. Va datwe ngu kubhayetelwa ngu matxhari, va pengisilwe va di ambate madhowo a tinvuta ni a tiphongo, ve xaniswa ni kutsotsorolwa, ve khotelwa mikorani.

Matewu 20:23

Ene a to khene kwakwe: “Ina, mi na sela digombe dangu. Aniko kukhalahatsha txineneni kwangu mwendo txibhabha kwangu, kha ti nga mtamoni kwangu; aniko ti na mahelwa avale Tate wangu a nga va lulamisela.”

Marku 10:38

Jesu a to va xamula a txi khene: “Kha mi txi zivi txi mi kombelako txona. Ina mi nga sikota kusela ka digombe da wuvi adi ani ni no sela dona, ni kuamukela txibhabhatiso txi ani ni no txi amukela kani?”

Marku 10:35

Jakobe ni Johani, vanana va Zebhedhewu, va to tshuketela Jesu va txi mu angula ngu mapswi awa: “M'gondisi, hi lava ku u txi hi mahela ati hi no kukombela.”

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:1

Se Akabe a to geletela Jezabheli totshe ti a nga ti mahile Elija, ni ti a nga dayisa tona votshe vaprofeti va ka Bhahali, ngu ditxhari.

Jeremiya 26:23

Va to humisa Uriya ditikoni ka Egipta, va txi mu wuyisa ka mfumeli Jehoyakimu, awu a nga ta m'daya ngu ditxhari, e tshotsha txirumbi txa kona diphalani ka vanyamtshanzale.

Marku 10:39

Se vona ve xamula va txi kha vona: “Ina! Hi nga sikota.” Se Jesu a nje khene kwawe: “Digombe di ani ni no sela ka dona, na nanu mi na di sela, ni txibhabhatiso txi ni no txi amukela, na nanu mi na txi amukela.

Mithumo 12:1

Ka yona yile mbimo, mfumeli Herodha a to khata kuxanisa vathu vokari va Dibanza.