Mithumo 12:17 - Bhiblia Yo Sawuleka

¹⁷ Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Mithumo 12:17 Referans Kwoze

Mithumo 21:40

Ngako a di tumeletwe, Paulo, a di emile txitimwi ka dinera, a to malata vathu ngu diwoko. Vona ve malala ku txi katila. Se ene a txi va txhumayela, a txi khene:

Mithumo 19:33

Sekoko va to humisa Alexandre ngu hagari ka dibutho, awu a nga ti gondisilwe ngu kale, a txi susumetelwa masoni ngu Vajudha. Alexandre a to guleta diwoko na a txi kombisa ti to a lava kutxhamusela mhaka ka dibutho.

Mithumo 13:16

Paulo a to khukha, a txi maha txikombiso ngu diwoko, a txi khene: “Vavamna va ka Israyeli ni nanu mi thavako Txizimu, engisani:

Mithumo 21:18

Mangwanani ka kona Paulo a tsute ni nathu m'tini ka Jakobe, ahawa ma nga tshangana otshe madhota.

Mithumo 15:13

Ku ti ngako va di hetile kuwombawomba, Jakobe a to teka dipswi, a txi khene: “Vanathu, ni engiseni.

Vagalatiya 2:12

Nguko mbimo yi va nga ti sinzi kubwaka ava va kuta ngu ka Jakobe, ene a ti ti dya kumweko ni va vo mbi ya wukwerani. Kambe mbimo yi vona va nga bwaka, a ti ti leka kudya navo, ngu kuthava va va wukwera.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Vagalatiya 1:19

Kha na wonana ni mmwani mpostoli, hahanze ka Jakobe mwanawe Mkoma.

1 Vakorinto 15:7

Msana keto, kambe a ti wonekisile ka Jakobe, se kugwita keto, a ti wonekisile ka votshe vapostoli.

Johani 11:54

Ngu konaho, Jesu kha engeta e tsimbila kuwonekani hagari ka Vajudha. Kambe a to khukha koneho a tsula ka ditiko di di ku hafuhi ni txiwula, ka didhoropa di di dhanwako ku i Efrayime, eya zumba kona ni vagondiswa vakwe.

Johani 8:59

Sekoko vona va to rola marigwi kasi ku mu rinzetela, aniko Jesu a to sisala, e huma Dithepeleni.

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Mithumo 16:40

Ngako va di humile ngu mkorani, Paulo ni Silasi va to tsula ka Lidhiya. Se ngako va di wonani ni vanawe, va to va laya, ve khukha ve tsula.

Johani 13:24

Sekoko Simoni a to mkweseta, a txi khene: “Mu wotise ti to a womba mani.”

Johani 10:40

Se a to tshumela e tsula mtxhatuko ka Jordhani, ahawa Johani a nga ti khatile kubhabhatisa kona, eya zumba kona.

Johani 7:1

Msana ka toneto, Jesu a ti tsimbilela Galileya, asi dhundi kutsimbilela Judheya, nguko Vajudha va txi lava ku m'daya.

Luka 1:22

Mbimo yi a nga huma, a to tandeka kuwombawomba navo, se vona ve tiziva ti to a woni txiwoniso Dithepeleni. A ti ko maha ngu kuxungametela, e zumba i di txiduma.

Masalmo 146:7

a lamulako ngu kululama ava va tsindavetwako; a ningako dipawu ka vale va ku ni nzala.

Masalmo 66:16

Ngonani mi ta engisa, motshenu mi kholwako ka Txizimu! Ni nata mi xawutela atile txona txi nga ni mahela!

Marku 6:3

Ina hi nga ene wuwa m'vati, mwanana wa Mariya, mwanawe Jakobe, ni Josi, ni Judha, ni Simoni, kani? Ina tindiyakwe kha ti nga ho hagari kwathu kani?” Se ve khuveka ngu ngene.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 12:16

Pedro ene a ti ya masoni ngu kugogota ditimba. Se va di tute, va to mu vona ti to ngene, ve xamala ngutu.

Mithumo 12:18

Ngako di di txite, dizunga da hombe di to humelela hagari ka masotxhwa, ti to Pedro a mahisile kutxani.

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.